धनगढी , फाल्गुन ९/ नेकपा बाजुरा ओली समुह निकट राष्ट्रिय युवा संघ र अनेरास्ववियुका युवा विद्यार्थीले त्रिवेणी साना जलविद्युत केन्द्रमा तालाबन्दी गरेका छन् । मार्तडीमा सर्वसाधारण जनतालाई नियमित विद्युत सेवा उपभोग गर्न नदिएको भन्दै युवा संघ र अनेरास्ववीयुका विद्यार्थीले विद्युत कार्यालयमा तालावन्दी गरेपछि त्रिवेणी साना जलविद्युत केन्द्रका कार्यालय प्रमुख दयाराम पण्डित र एकजना प्रहरी हवल्दार भित्रै थुनिएका छन् ।

आईतबार अनेरास्ववियु र युवा संघका युवाहरुले त्रिवेणी साना जलविद्युत केन्द्रमा तालावन्दी गर्दा कार्यालय बाहिर सुरक्षार्थ खटिएका नेपाल प्रहरी र शसत्र प्रहरीहरु भने मुखदर्शक बनेका थिए । यता त्रिवेणी साना जलविद्युत केन्द्रका कार्यालय प्रमुख दयाराम पंण्डितले भने त्रिवेणीले पुरानो जिर्ण अवस्थामा रहेका पुराना मेसिनहको मर्मत गर्दै सदरमुकामबासीलाई विद्युत नियमित दिन लागि परेको बताएका छन् । उनले भने आफुहरुसंग विना वार्ता एक्कासी आएर कार्यालयमा तालावन्दी र आफुमाथि हातपात गरेको र प्रहरी हवल्दारको हातमा सामान्य चोटपटक समेत लागेको बताए ।