धनगढी, माघ २३/ नेपाली कांग्रेस नेतृ आर्जु राणा देउवाले बैतडीको दोगडाकेदार गाउँपालिकामा रहेको सनातन धर्म उच्च माविकी छात्रा भागरथी भट्टको हत्या घटना छानविन गरि दोषीमाथि कारबाहीको माग गरेकी छन् ।

उनले आइतबार बिहान सामाजिक सञ्जाल फेसबुकमार्फत् भट्ट हत्या घटनाको सत्यतथ्य छानविन गरि दोषीलाई तत्काल पक्राउ गरी कारवाही गर्न माग गरेकी हुन् ।

दोगडाकेदारको चडेपानीमा रहेको सनातन धर्म उच्च माविमा कक्षा १२ मा अध्यनरत १९ वर्षीया भट्ट माघ २१ गतेका विद्यालयबाट घर फर्किने क्रममा लबलेक सामुदायिक बनको जंगलमा मृत अवस्थामा फेला परेकी थिइन् ।

प्रहरीले घटनाको अनुसन्धान भइरहेको जनाएको छ ।