धनगढी, १० चैत
धनगढी उप–महानगरपालिकाले जिल्ला प्रशासन कार्यालय कैलालीले जारी गरेको निषेधाज्ञाको पालना गरेर सहयोग गर्न नगरवासी संग अपील गरेको छ ।
शोमबार जारी गरिएको अपीलमा भनिएको छ , कोभिड–१९ (कोरोना भाईरस) को संक्रमणबाट जोगिन भर्खरै जिल्ला प्रशासन कार्यालय कैलालीले निषेधाज्ञा जारी गरेको छ । यस अवधीमा कैलालीका सीमाहरु पूर्ण रुपमा बन्द रहने, अत्यावश्यकीय पसलहरु बाहेक अन्य पसल, कलकारखाना, उद्योग धन्दा पूर्ण रुपमा बन्द रहने, भेला र भीडभाड गर्न, सवारी साधन र आवत जावत समेत पूर्ण रुपमा रोक लगाएको हुनाले निषेधाज्ञाको पूर्ण रुपमा पालना गर्न सम्पूर्ण नगरवासीमा अनुरोध गर्दछौं ।
अपीलमा भारत र तेश्रो मुलुकहरुबाट फर्किएका आफ्नै परिवारको सदस्य भएपनि १४ दिन सम्म घरमा छुट्टै राख्न अनुरोध गर्दछौं भनिएको छ । असहज अवस्थाको फाईदा उठाउदै बजारमा दैनिक उपभोग्य सामाग्री, औषधी, ग्याँस र पेट्रोलियम पदार्थको कृतिम अभाव सिर्जना गर्ने र कालोबजारी गर्नेलाई कानुन अनुसार कडा कार्वाही गरिने ब्यहोरा अवगत गराउछौं अपीलमा भनिएको छ । विश्वव्यापी महामारीको रूपमा फैलिएको कोरोना भाइरस (कोभिड १९) फैलिन नदिन उच्च सतर्कता अपनाउनु आवश्यक छ । अपीलमा भनिएको छ, यसको जोखिमसँग जुध्न चुस्त बन्दोबस्त गरिएन भने त्यसले ठूलो मानवीय क्षति निम्त्याउने खतरालाई बुझेर उप–महानगरको श्रोत साधनले भ्याए सम्म सतर्कताको पूर्वतयारीमा जुटेको ब्यबहोरा सादर निवेदन गर्दछौं ।
सतर्कताको कार्यमा सबै क्षेत्रबाट सहयोग पुगिरहेको छ । अझैपनि उप–महानगरपालिका आ–आफ्नो ठाउँबाट सहकार्य र समन्वयलाई निरन्तरता दिनहुन राजनितिकदल नगरबासी, स्थानीय प्रशासन र राष्ट्र सेवक सुरक्षाकर्मीहरु, नेपाल रेडक्रस सोसाईटी धनगढी,ब्यापारी लगायतका सामाजीक संघसंस्थाहरु संग समेत हार्दिक अपिल गरिएको छ । साथै कोरोनाको जोखिमबाट बच्नका लागि मास्कको प्रयोग गर्न, साबुन पानीले हात धुन, सरसफाईमा ध्यान दिन र ज्वरो आउने, थकाई लाग्ने, सुख्खा खोकी लागिरहेमा स्वास्थ्यकर्मीको परामर्श लिन सबैमा हार्दिक आह्वान गरिएको छ ।