धनगढी, ८ चैत
धनगढी उप–महानगरपालिकाले त्रिनगरभन्सार नाकामा स्थापना गरेको कोराना भाईरस ( कोभिड १९ ) को निगरानी कक्षका लागि धनगढीको अमित मेडिसिन डिष्टीब्यूटर्सले सैया ( बेड)उपलब्ध गराएको छ ।
शनिवार निगरानी कक्षमा नै पुगेर सैया हस्तान्तरण गरेको हो । कोरोना संवेदनशीलताको पूर्व सर्तकतामा सहयोग पुगोस भनेर ६० हजारको हाराहारी गर्ने सैया ( बेड)हरु हस्तान्तरण गरिएको बताइृएको छ । धनगढी उप–महानगरपालिकाका प्रमुख नृपबहादुर वडले कोरोना भित्रीन नदिन सबै क्षेत्रले समन्वय गर्नु आवश्यक रहेको बताए । उनले भने, यो संवेदनशीलताको घडीमा सबैले गम्भीर भएर एकजुट भएर अभियानमा लाग्नुपर्छ ।
यस अघी धनगढीमा रहेको वालाजी सर्जिकल सप्लायर्सले कोरोना चेकजाँचमा खटिने स्वास्थ्यकर्मीको सुरक्षाका लागि डिस्पोजल गावन हस्तान्तरण गरेको थियो ।
वालाजी सर्जिकल सप्लायर्सका प्रोप्राईटर करना वर्नवाल र दिपेन्द्र प्रसाद तिवारीले गावन हस्तान्तरण गरेका थिए । गामन स्वास्थ्यकर्मीले बिरामी चेकजाँच गर्दा लगाउने कपडा हो । अहिले बजारमा गामन पाउन मुस्कील भैरहेको छ । धनगढी उप–महानगरपालिकाका प्रमुख नृपबहादुर वडले मानवीयताका लागि सहयोग गर्ने सबैलाई धन्यवाद दिए । नगरप्रमुख वडले कोराना भित्रीन नदिने नाममा प्रचारप्रसार गर्दा पनि भिडभाड र ¥याली ननिकाल्न अनुरोध गरेका छन् ।