धनगढी, ३ पुसः धनगढी बसपार्कको काउन्टर बिवाद अझै टुङ्गो लाग्न सकेको छैन । शुक्रबार धनगढी उपमहानगरपालिका कार्यालय पुगेका यातायात व्यवसायी र नगरपालिका प्रशासन बिचको छलफलबाट कुनै निश्कर्ष निस्कन सकेको छैन । यो बिवादका लागि उपमहानगरपालिकाले शिबपुरी यातायात संगको छलफल पछि मात्रै अन्य ६ यातायात व्यबसायी समिति संग संयुक्त बैठक बस्ने गरी शुक्रबारको छलफल सकिएको छ ।

शुक्रबार धनगढी उपमहानरपालिकाका प्रमुख प्रशासकिय अधिकृत जगन्नाथ पन्त, राजस्व शाखा प्रमुख लखनाथ ओझा र यातायात व्यबसायी बिच बिवाद टुङ्गो लगाउन बैठक बसेको थियो । उक्त छलफल अर्को बैठक बस्ने गरी टुङ्गीएको छ । शनिबार पुन यातायात व्यवसायी बिच बैठक बसी समस्या सामाधान तर्फ लाग्ने धनगढी उपमहानरपालिकाका प्रमुख प्रशासकिय अधिकृत जगन्नाथ पन्तले जानकारी दिए । बैठकमा भने उपमहानगरपालिका भने कैलाली यातायात र शबिपुरी यातायात दुबैलाई काउन्टर व्यबस्थापन गरी बिवाद सुल्झाउने प्रयासमा देखिन्थ्यो भने आन्दोलनरत यातायात व्यबसायीहरु भने शिबपुरीलाई कुनै हालतमा पनि बसपार्कमा काउन्टर नदिने मुडमा रहेको छ ।

नयाँ यातायात प्रालिलाई काउण्टर राख्न दिने नगरपालिकाको निर्णयको विरोधम उत्रिएका यस प्रदेशका पुरानो यातायात प्रालि सुदूर पश्चिम यातायात, कर्णाली रिभर, मालिका यातायात, खप्तड मालिका यातायात, कैलाली यातायात र गोदावरी यातायात प्रालिले केही दिन देखी बिरोध गर्दै आएका थिए ।

बिरोध स्वरुप पुराना ६ यातायात व्यबसायीहरुले धनगढीबाट चल्ने सवारी साधन शुक्रबार दिनभर जसो नै अबरुद्ध गरेर यातायात बन्द गरेका थिए । व्यबसायी संग उपमहानरपालिकाले छलफलका लागि बस्न तयार भएपछि शुक्रबार साझ देखी मात्रै यातायात क्षेत्र सहज रुपमा संचालन भएको थियो ।  धनगढी बसापर्कबाट शिवपुरी प्रालिको काउण्टर नहटाएसम्म पुराना यातायात व्यबसायीहरु संघर्षमै रहने अडान रहेको सुदूर पश्चिम यातायात प्रालिका अध्यक्ष सापकोटाले जानकारी दिए ।