धनगढी,  १० साउन / साविकको लम्कीचुहा अस्पतालले लम्कीचुहा प्रादेशिक अस्पताललाई अस्पतालका जिन्सी सामग्री तथा उपकरणहरू रूपमा हस्तान्तरण गरेको छ। साविक लम्कीचुहा अस्पताल समितिले आज आयोजित एक कार्यक्रममार्फत प्रादेशिक अस्पताललाई उक्त सामग्री हस्तान्तरण गरेको हो ।

साविक लम्कीचुहा अस्पतालको तर्फबाट सदस्य–सचिव गंगाराम उपाध्याय र जिन्सी प्रमुख विरेन्द्र चौधरी र लम्कीचुहा प्रादेशिक अस्पतालको तर्फबाट जनस्वास्थ्य निरीक्षक लक्ष्मी कुमार श्रेष्ठले समाग्री  वुझेर हस्ताक्षर गर्नुभएको छ।

रोहवरमा लम्कीचुहा प्रादेशिक अस्पताल व्यवस्थापन समितिका अध्यक्ष रामबहादुर विष्ट, सदस्यहरू शशिरा शाही र धिरेन्द्र थापा उपस्थित रहनुभएको थियो।

साथै स्वास्थ्य निर्देशनालयका निर्देशक डा. खगेन्द्र बम, प्रदेश जनस्वास्थ्य प्रयोगशालाका निर्देशक डा. भुषण मिश्र, लम्कीचुहा प्रादेशिक अस्पतालका मेसु डा. कमलेश प्रसाद यादव, सामाजिक विकास मन्त्रालयका कानुन अधिकृत दानबहादुर सुनार, शाखा अधिकृत जयराज ओझा, अस्पताल व्यवस्थापक जयन्द्र प्रसाद जैसी तथा स्वास्थ्य निर्देशनालयका जनस्वास्थ्य निरीक्षक उत्तमराज उपाध्याय रहेका छ्न ।