धनगढी,  मंसिर २०/ कैलालीका २० सहित सुदूरपश्चिमका थप २७ जनामा कोरोना भाइरसको संक्रमण पुष्टि भएको छ।

सेती प्रादेशिक अस्पताल प्रयोगशालामा शनिबार ३३२ जनाको परीक्षण गर्दा थप २७ जनामा संक्रमण पुष्टि भएको हो। कैलालीको धनगढी उपमहानगरपालिकाका ११ जनामा संक्रमण देखिएको अस्पतालका सूचना अधिकारी दिलिपकुमार श्रेष्ठले जानकारी दिए।

कैलालीकै कैलारी गाउँपालिकाका ४ जना, गोदावरी नगरपालिकाका २ जना, त्यस्तै टीकापुर नगरपालिका, भजनी नगरपालिका र जोशीपुर गाउँपालिकाका १/१ जनामा समेत कोराना पुष्टि भएको छ।

यस्तै कञ्चनपुरको भीमदत्त नगरपालिका र पुनर्वास नगरपालिकाका २/२ जना, कृष्णपुर नगरपालिकाका १ जना, डोटीको जोरायल गाउँपालिकाका १ जना र बझाङका १ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए।