धनगढी,६ फागुन
धनगढी उप–महानगरपालिका क्षेत्र भित्रका विद्यालय आधारभूततहको अतिरिक्त क्रियाकलाप प्रतियोगिता मंगलबार देखि सुरु भएको छ ।
आधारभूततहको अतिरिक्त क्रियाकलाप प्रतियोगिताको धनगढी उप–महानगरपालिकाका प्रमुख नृपबहादुर वडले उद्घाटन गरेका हुन । धनगढीमा फुलबारी , धनगढी र उर्मा गरि तीनवटा श्रोतकेन्द्र रहेका छन् । धनगढी श्रोत केन्द्रमा आधारभूततहको अतिरिक्त क्रियाकलाप प्रतियोगिताको उद्घाटन गर्दै नगरप्रमुख वडले, खेलकुदका माध्यमबाट विद्यार्थीको सर्वाङ्ग विकास गराउने उदेश्यले तहगत रुपमा प्रतियोगिता गराईएको बताए । उनले भने, आधारभूततहको अतिरिक्त क्रियाकलाप प्रतियोगितामा सरकारी र निजी विद्यालयहरु सहभागि छन् ।
नगरप्रमुख वडले धनगढीलाई खेलकुदको हवको रुपमा विकास गर्नका लागि तल्लोतहबाट नै खेलाडी उत्पादन गर्नुपर्ने बताए । उनले भने, यसका लागि उप–महानगरपालिकाले खेलकुलका क्षेत्रमा ठूलो लगानी लगाएको छ । धनगढी उप–महानगरपालिकाका उप–प्रमुख सुशीला मिश्र भट्टले खेलकुद लगायत अतिरिक्त क्रिायकलापमा सहभागि खेलाडी विद्यार्थीहरुलाई बधाई तथा शुभकामना दिईन । उनले खेलकुलमा जित मात्रै ठूलो कुरा नभएर सहभागिता ठूलो हुने बताईन ।
त्यसैगरी नगरप्रमुख नृपबहादुर वडले प्याब्सन धनगढी नगर कार्यपालिकाले आयोजना गरेको महिला क्रिकेट प्रतियोगिताको उद्घाटन गरेका छन् । धनगढीमा पहिलो पटक प्याब्सनले महिला क्रिकेट प्रतियोगिता आयोजना गरेको छ । प्रतियोगितामा धनगढीका डेढ दर्जन भन्दा बढी निजी विद्यालयका छात्राहरु सहभागि रहेको प्याब्सनले जनाएको छ ।