अत्तरिया, ११ साउन- कैलालीको अत्तरीयामा नेपाल जेसिजको घ सम्मेलनको आयोजना हुने भएको छ । नेपाल जेसिजको आयोजना र अत्तरीया जेसिजको आतिथ्यतामा अत्तरीयामा उक्त सम्मेलन आयोजना हुन लागेको शनिबार पत्रकार सम्मेलनको आयोजना गरी जानकारी दिइएको छ ।

सम्मेलन महासचिव भरत खड्काले असोज ३ गते देखि ४ गतेसम्म सञ्चालन हुने सम्मेलनमा नेपाल जेसिज अन्र्तगतका घ क्षेत्र भित्र पर्ने ४८ शाखाको सहभागीता रहने बताउनुभयो । सम्मेलनमा सुदुरपश्चिमको कला संस्कृतिको प्रस्तुती, व्यवसायिक ज्ञान सीपको आदान प्रदान, युवा सम्मेलन, युवा उत्प्रेरणा तथा व्यवसायिक सीप तालिम, भातृत्व विकास लगायतका कार्यक्रमहरु हुने भएका छन् ।

सुदुरपश्चिम प्रदेशको व्यवसायिक तथा पर्यटकीय स्थानको प्रबद्र्धनमा टेवा पुग्ने उद्देश्य सहित सम्मेलनको आयोजना गर्न लागिएको उहाले बताउनुभयो । सम्मेलनमा नारायणी वारीका ७ सय जनाको सहभागिता रहने छ । सम्मेलनको तयारी सुरु भएको आयोजकले जनाएको छ । सम्मेलन आयोजना गर्नका लागि ६० लाख खर्च हुने अनुमान गरिएको छ ।