जनताको बहुदलिए जनवादको शिद्धान्तको आधारमा अघि बढेको तत्कालीन नेकपा एमाले र २१ औं शताब्दीको जनवाद शिद्धान्तको आधारमा अघि बढेको तत्कालीन माओवादी केन्द्रको बिचमा गत बर्ष जेठ ३ गते पार्टी एकता भएको हो । त्यतिबेला जनताको जनवाद सिद्धान्तमा जाने सहमती भएको थियो । दुवै पार्टीले बोकेको सिद्धान्त महाधिवेसनमा छलफलमा लाने र त्यहींबाट राजनीतिक कार्यदिशा तय गर्ने सहमतिका साथ पार्टी एकता भएको थियो ।

माधव नेपाल संयोजक रहेर लेखिएको राजनीतिक प्रतिवेदनलाई सचिवालयले पारित गरी अन्तिम रुप दिन अध्यक्षद्धयलाई जिम्मा दिएको थियो । तर जिम्मा पाएको महिनौसम्म पनि राजनीतिक प्रतिवेदन छापिन सकेको छैन । नेताहरु बिचमा पनि जनताको बहुदलीय जनवादमा जाने कि जनताको जनवादमा जाने भन्ने बहसको विषय बनेको छ ।

पार्टी भित्र सैद्धान्तिक बहस हुनु नौलो र अनौठो होइन । तर पार्टी एकतालाई लम्वाइ राख्न अहिलेको बहस भएको नेताहरुको बुझाई छ । यसवारे अध्यक्षद्धय बेलैमा सचेत हुनुपर्ने तल्लो तहका नेताहरुको सुझाव छ । पूर्व माओवादी पक्षका नेताहरु जनताको जनवादको वकालत गरिरहंदा पूर्व एमाले पक्षधर नेताहरु भने जनताको बहुदलिय जनवादलाई छाड्न नसकिने बताइरहेका छन् ।

नेकपाको एकताले पुर्णता नपाउदै फेरी सिद्धान्त के हुने भन्ने प्रश्न उठिरहेको छ । राजनीतिक विश्लेषकका बुझाईमा राजनीतिक दलहरु सिद्धान्तमा भन्दापनि नेताहरु शक्ति केन्द्रित गर्नतर्फ लाग्दा पार्टी भित्र समस्या उत्पन्न हुने गरेको छ ।

गत शनिवार बसेको नेकपा सचिवालय बैठकमा राजीनितिक सिद्धान्तका बारेमा छलफल गर्ने भनियपनि खासै विषय प्रबेश हुन पाएन । भनिन्छ, कम्युनिष्ट पार्टी भनेकै बिचार र शिद्धान्तका आधारमा चल्ने पार्टी हो । नेकपा गठन भएको १३ महिना बितेको छ तर पार्टी एकताको सम्पूर्ण प्रक्रिया अझै टुंगिन सकेको छैन । पार्टीको सिद्धान्ट स्पष्ट नहुँदा पनि स्पष्ट नेताहरु खुलेर कार्यकर्तामाझ पुग्न सकेका छैनन् । लाग्छ, सिद्धान्तमा स्पष्ट हुन नसक्दा नै पार्टी एकताले पूर्णता पाउन सकिरहेको छैन ।