धनगढी,२० कातिक
धनगढी उप–महानगरपालिका क्षेत्रका शिक्षक शिक्षिका र स्वास्थ्यकर्मीका लागि बुधवार देखि महिनाबारी सरसफाई तथा ब्यबस्थापन तालिम दिन थालिएको छ ।
जिआईजेड र मित्र समाजको साझेदारी तथा धनगढी उप–महानगरपालिको समन्वयमा किशोरावस्थाको यौन तथा प्रजनन् स्वास्थ्य र महिनावारी सरसफाई ब्यबस्थापन कार्यक्रम अन्तरगत दुई दिनका लागि तालिम सुरु गरिएको छ । जसमा धनगढी उप–महानगरपालिका क्षेत्रका ४५ वटा सामुदायीक विद्यालयका शिक्षक शिक्षिका र यस क्षेत्रका सरकारी स्वास्थ्य संस्थामा कार्यरत स्वास्थ्यकर्मीहरुको सहभागिता रहेको छ ।
यस कार्यक्रम अन्तरगत कक्षा ६ देखि कक्षा १२ सम्मका छात्राहरुलाई सेनिटरी प्याड निर्माण तथा प्रयोग गर्न सिकाईने छ । धनगढी उप–महानगरपालिकाका प्रमुख नृपबहादुर वडले भने, महिनावारीलाई अपारधकै रुपमा बुझ्न नहुने बताए । महिनाबारी हुनु भनेको त्यो महिना प्रजनन् कार्यका लागि योग्य हुनु हो नगरप्रमुख वडले भने, महिनाबारी कुनै अपराध वा पूर्व जन्मको पाप होईन ।
धनगढी उप–महानगरपालिकाका प्रमुख प्रशासकिय अधिकृत नारायण प्रशाद सापकोटाले कार्यक्रम संचालन भएपछि महिनाबारीलाई हेर्ने दृष्टीकोणमा परिवर्तन आउने बताए । प्रमुख प्रशासकिय अधिकृत सापकोटाले छात्रा संगै महिनाबारी भएको बेला विद्यालय नआउने शिक्षिकाहरुलाई पनि नियमित बनाउने बताए । तालिम २ दिन सम्म चल्ने छ ।