धनगढी, ३ असोज
धनगढी स्थीत त्रिनगर माध्यमिक विद्यालयमा नव आगन्तुक विद्यार्थीहरुका लागि शुक्रवार स्वागत कार्यक्रमको आयोजना गरियो ।
विद्यालयका कक्षा १२ का विद्यार्थीहरुले कक्षा ११ का विद्यार्थीहरुको सम्मानका लागि कार्यक्रमको आयोजना गरेको हो । कार्यक्रममा कक्षा १२ का विद्यार्थीहरुले कक्षा १२ का विद्यार्थीहरुलाई खादा र टिका लगाएर स्वागत गरेका थिए । विद्यार्थीहरुले बिभिन्न सांस्कृतीक कार्यक्रम समेत प्रस्तुत गरेका थिए ।
त्रिनगर माध्यमिक विद्यालय शिक्षक अभिभावक संघका अध्यक्ष तथा कार्यक्रमका प्रमुख अतिथी प्रेम बिसीले त्रिनगर माध्यमिक विद्यालय प्रदेशमै गरिव विद्यार्थी मैत्री विद्यालय भएको बताए । त्रिनगरमा नेपाल सरकारले निःशुल्क नगर्दा पनि कक्षा १० सम्म सबै विद्यार्थीहरुलाई निशुल्क पठनपाठन गर्ने विद्यालय हो शिक्षक अभिभावक संघका अध्यक्ष प्रेम बिसीले भने, यसलाई कम शुल्कमा गुणस्तरीय शिक्षा दिने विद्यालयको रुपमा चिनाउने गरि काम गरिरहेका छौं ।
त्रिनगर माध्यमिक विद्यालयका प्रधानाध्यापक भुपाल सिंह खड्काले नव आगन्तुक विद्यार्थीलाई सम्मान गर्ने कार्यक्रम आयोजना गरेकोमा कक्षा १२ का विद्यार्थीहरुलाई धन्यवाद दिए । त्रिनगर माध्यमिक विद्यालय प्रदेशमै सबैभन्दा कम शुल्कमा पठनपाठन गराउने विद्यालय हो प्रधानाध्यापक खड्काले भने, त्यसमा पनि दलित छात्रछात्रालाई ५० प्रतिशत छुट दिने गरेका छौं । कक्षा ११ र १२ का विद्यार्थीहरुको मासिक शुल्क ३ सय रुपियाँ मात्रै त्रिनगरले लिने गर्दछ भने दलित छात्रछात्राले मासिक रुपमा १ सय ५० रुपियाँ मात्रै तिर्नुपर्छ ।
कक्षा १२ कि छात्रा सविना चौधरीले त्रिनगर माध्यमिक विद्यालयको विद्यार्थी हुन पाएकोमा आफुलाई गौरव महशुस हुने गरेको बताईन । छात्र यज्ञबहादुर कोलीको सभापतीत्वमा भएको सम्मान कार्यक्रममा शिक्षक नेत्र कठायत लगायतले मन्तब्य राखेका थिए ।