किशोर तामाङ्ग
कञ्चनपुर ५ जेठ/ कोभिड–१९ को दोस्रो चरणको प्रभावले जनजिवन निकै प्रभावित भएपछि कञ्चनपुरको बेलौरीमा हेल्पडेक्स स्थापना गरिएको छ ।कञ्चनपुरको दक्षिणी क्षेत्र बेलौरी नगरपालिकामा कोभिडको समयमा कोभिड संक्रमित तथा दीर्घरोगीमा आउने स्वास्थ्य समस्याबाट नागरिकको साहयतका लागि हेल्पडेस्क स्थापना गरिएको हो । उक्त हेल्पडेस्क बेलौरी नगरपालिका परिसरमा सँगसँगै अभियानले बेलौरी नगरपालिका र नेपाल राष्ट्रिय समाज कल्याण संघको सहकार्यमा नागरिक सहायता कक्ष सञ्चालनमा ल्याइएको सामाजिक अभियान्ता हिमेश थापाले जानकारी दिए ।

हेल्पडेस्कम मार्फत् हटलाईन नम्बरमा आएका स्वास्थ्य समस्याको समाधान खोज्नमा सहयोग गर्ने, संक्रमित व्यक्तिको अवस्थाका बारेमा नगरपालिका स्वास्थ्य शाखासँग समन्वयन गरी आवश्यक परामर्श दिने, संक्रमित व्यक्तिलाई पोषण युक्त खानेकुराको व्यवस्था गर्ने, दीर्घकालीन रोगी तथा सम्पर्कमा आएका बिरामीहरुबाट डाक्टरको परामर्श र नगरपालिकाको सहयोगमा घरदैलौमा औषधी सेवा दिने तथा सेवाग्राहीको अभिलेख राखिने छ ।
हालसम्म बेलौरी नगरपालिकालाई ६, पुर्नवास नगरपालिकालाई ८ र ईर्मजेन्सी अवस्थामा रहेको ३ जना कोभिड संक्रमित बिरामीलाई अक्सिजन सिलिण्डर सहयोग समेत गरेको थापाले जानकारी दिए ।

अभियानले पुर्नवास नगरपालिका, लालझाडी गाउँपालिका र बेलडाँडी गाउँपालिकामा पनि नागरिक सहायता कक्ष लगायत अन्य स्वास्थ्य सामग्री तत्काल व्यबस्थापन गरिने अभियान्ता रुपेश विकले दिए ।अभियानले एन्टिजेन किट ७५ पिस, भिटिएम १०० पिस, पीपीई सेट १ थान, स्यानिटाईजर ५ लि, ह्यानड स्यानिटाईजर १०० पिस, मास्क २५ पिस, सर्जिकल मास्क ३०० पिस, एक्जामिनेसन ग्लोभ्स १०० पिस, युटिलिटि ग्लोभ्स १० पिस, अक्सिमिटर १ पिस, डिजिटल थर्ममिटर १ पिस तथा औषधीहरु, अटोमेटिक ह्यान्ड स्यानिटाईजर मेसिन १० सेट र स्यानिटाईजर १० सेट (५ लि.) सहयोग गरेको छ ।

कोभिड संक्रमितले ९८६३६४६२५७मोबाईल नम्बरमा सम्पर्क सेवा लिन सकिने अभियानका संयोजक लक्ष्मी श्रेष्ठले जानकारी दिईन् । हेल्पडेक्सको उद्घाटन् गर्दै बेलौरी नगरपालिकाका नगरप्रमुख पोतीलाल चौधरीले कोरोना भाइरस कोभिड १९ को संक्रमण रोकथाम र नियन्त्रणका लागि सहकार्य गर्ने एनएनएसडब्लुए र सँगसँगै अभियानलाई धन्यवाद दिए । यस्तो महामारीका समयमा यसरीनै जनस्तर बाट एक जुटभई यस लडाईमा एकजुट भएर अगाडी बढ्न समेत नगरप्रमुख चौधरीले बताए ।