धनगढी, माघ २०/ कैलालीको चिसापानीमा बीच भलिबल प्रतियोगिता हुने भएको छ । एडभेन्चर रिसोर्टले मँगलबार धनगढीमा पत्रकार सम्मेलनको आयोजना गर्दै चिसापानीमा बीच भलिबल प्रतियोगिता गरीने जनाएको छ ।

सुदुरपश्चिममा खेल पर्यटनलाई बिकास गर्ने ध्ययेले सुदुरका ८८ ओटै स्थानिय तहहरुलाई समेट्ने गरीे चिसापानीमा बीच भलिबल प्रतियोगिता आयोजना गरीने एडभेन्चर रिसोर्टका सन्चालक तपेन्द्र रावलले बताए ।

रावलले भलिबल खेल चैत्र १० देखि चैत्र १६ गते सम्म खेलाइने र खेलसँगै साँस्कृतिक महोत्सव पनी सञ्चालन हुने बताए । महोत्सवमा राष्ट्रिय तथा स्थानिय कलाकारको प्रस्तुति रहने जनाइएको छ ।

प्रतियोगितामा सूदुरपश्चिमका सम्पुर्ण स्थानिय तहबाट एक एक ओटा भलिबल टिमको सहभागिता गराइने आयोजकको भनाइ छ । नेपालमै पहिलोे पटक कर्णाली नदी किनारको बालुवामा हुने बीच भलिबल प्रतियोगितामा प्रथम हुने टिमलाई १ लाख, दृतिय हुने टिमलाइ ५० हजार र तृतीयलाई २५ हजार पुरुस्कार प्रदान गरीने आयोजकले जनाएको छ।