कैलाली, २५ माघ/ गोदावरी नगरपालिका ९ सेहरीको सरस्वती माध्यामिक विद्यालयको ५३ औं वार्षिकोत्सव कार्यक्रम शनिबार सम्पन्न भएको छ ।
वार्षिकोत्सव समारोहमा सुदूरपश्चिम प्रदेश सभा सासंद तथा पुर्व सामाजिक मन्त्री दिर्घ सोडारीले प्रमुख अतिथी रहेका थिए । समारोहमा सोडारीले विद्यालयमा भौतिक पुर्वाधार, खानेपानि लगाएतका समस्या समाधानको लागि प्रदेश सरकारले सहयोग गर्ने बताए ।
यस्तै नगरपालिका ९ सेहरीमा झुलुड्डे पुल, सडकको लागि प्रदेश सरकारबाट बजेट् विनियोजन भईसकेको बताए । उनले ग्रामीण क्षेत्रमा रहेका विद्यालयहरुको शैक्षिक गुणस्तर सुधारको लागि सरकोकारवाला सबैपक्षले ध्यान दिनुपर्नेका जोड् दिए ।
यस्तै गोदावरी नगरपालिका उप प्रमुख रत्ना कडायतले नगरपालिकाले सरस्वती माध्यामिक विद्यालयको शैक्षिक अवस्था सुधारको लागि सहयोग गर्ने प्रतिबद्धता जनाइन् । उनले विद्यालयमा थुप्रै चुनौति र समस्या रहेको बताउदै, आगमी दिनमा यस्ता समस्याहरु समाधानको लागि स्थानिय सरकार तयार रहेको बताइन् ।
वार्षिकोत्सव समारोहमा विद्यालयका प्रधानाध्यापक वेद प्रसाद ओझाले विद्यालयको वार्षिक प्रगति प्रतिवेदन प्रस्तुत गरेका थिए । उनले विद्यालयले थुप्रै समस्या र चुनौती पार गर्दै समाजमा शिक्षाको ज्योती फैलाउदै आएको बताए ।

प्रदेशको राजधानिबाट १० किलोमिटर दुरीमा मात्रै पर्ने सोही विद्यालय थुप्रै समस्याले गुज्रिरहेको बताए । विद्यालय संग प्रर्याप्त स्रोत नभएको र अभिभावकहरुको सहयोगबाट विद्यालय चलिरहेको बताए । ओझाले प्रदेश सरकार र स्थानिय सरकारले विद्यालयको लागि आवश्यक भौतिक पुर्वाधार, कर्मचारी, दक्ष जनशक्ति लगाएतका क्षेत्रमा सहयोग गर्न आग्रह गरे ।
वार्षिकोत्सव समारोहमा स्वागत मन्तव्य उच्च मावि संयोजक शिक्षक सागर जोशीले राखेका थिए भने कार्यक्रम सञ्चालन शिक्षक बासुदेव बिष्टले गरेका थिए । समारोहमा वडा अध्यक्ष लाहानु चौधरी, नगर कार्यपालिका सदस्य राधिका जोशीले मन्तव्य राखेका थिए ।
यस्तै सो अवसरका विद्यालयलाई लामो समयदेखी योगदान दिने शिक्षीकाहरुलाई सम्मान साथै विद्यालयका विभिन्न क्षेत्रमा उत्कृष्ट विद्यार्थीहरुलाई पुरस्कार वितरण गरिएको थियो ।
वार्षिकोत्सव समारोहमा अभिभावक, स्थानिय जनप्रतिनिधी, सुरक्षाकर्मी लगाएतको उस्थिती रहेको थियो ।