काठमाडौं । दुई पांग्रे सवारी साधनमा इन्जिन क्षमता अनुसार २ सयदेखि २ हजार रुपैयाँसम्म कर वृद्धि भएको छ । चालू अबको बजेट अनुसार बागमती प्रदेशमा दुई पांग्रे सवारी साधनको कर बढेको हो ।बागमती प्रदेश सरकारले आजदेखि लागू हुने गरी मोटरसाइकल तथा स्कुटरको दर्ता, नवीकरण तथा जाँचपास लगायतको सेवाको कर बढाएको हो ।

बागमती प्रदेशका आर्थिक मामिला तथा योजना मन्त्री कैलासप्रसाद ढुङ्गेलले बाइक तथा स्कुटरमा कर वृद्धि भएको बताए ।
मन्त्री ढुङ्गेलले भने, ‘स्रोत र साधन जुटाउन कै लागि कर वृद्धि गरिएको हो । आर्थिक अवस्था ठिकै भएकाले नै दुई पांगे सवारी साधन प्रयोग गर्ने हो । थोरै मात्र कर वृद्धि भएको हो ।’

नयाँ कर अनुसार अब कुनमा कति ?

नयाँ कर अनुसार अब १२५ सीसीसम्मका मोटरसाइकल तथा स्कुटरको ट्याक्सी २ सय रुपैयाँ वृद्धि भएको छ । पहिले १२५ सीसीको दुईपांग्रे सवारी साधनको २ हजार ८ सय रुपैयाँ रहेको थियो । भने अब ३ हजार तिर्नु पर्ने छ ।

१२५ सीसीदेखि १५० सीसीसम्मका दुई पांगे्र सवारी साधनले ५ हजार, १५० देखि २२५ सीसीसम्मका मोटरसाइकल तथा स्कुटरले ६ हजार ५ सय, २२५ देखि ४ सय सीसीसम्मका दुई पांगे्र सवारीले ११ हजार तिर्नुपर्नेछ ।

४ सयदेखि ६५० सीसी र ६५० सीसदेखि माथिका पुरानै रहेको छ । ४ सयदेखि ६५० सीसीका दुुई पांगे सवारीले २० हजार तथा र ६५० सीसीदेखि माथि सवारी साधनले ३० हजार रुपैयाँ कर तिर्दै आइरहेका छन् ।

विद्युतीय सवारीमा कति ?

विद्युतीय सवारी साधनमा ३५० देखि १ हजार वाटसम्मकालाई २ हजार, १ हजारदेखि १ हजार ५ सय वाटलाई २ हजार ५ सय रुपैयाँ र १ हजार ५ सयवाटभन्दा माथिका विद्युतीय सवारीलाई ३ हजार रुपैयाँ कर तोकिएको छ ।