धनगढी : बागेश्वरी असल शासन क्लब बास कैलाली र सुचनाको हकका लागी राष्ट्रिय सञ्जाल सुदूरपश्चिमको संयुक्त आयोजनामा सुचनाको हकबारे अन्र्तक्रिया कार्यक्रम बिहिबार धनगढीमा भएको छ ।

सुचनाको हकको अभियान, भ्रष्टाचार बिरुद्धको अभियान तथा असलशासन कायम गर्नका लागी कार्यक्रम गरिएको हो ।
कार्यक्रममा राष्टिय सुचना आयोगका पुर्व आयुक्त कृष्णहरि बास्कोटाले सुचनाको महत्व, सुचनाको हकको प्रयोग बारे जानकारी दिए ।

उनले आम जनताले भ्रष्टाचार मुक्त समाज निर्माणका लागी सुचनाको हकको प्रयोग गर्न, जनप्रतिनिधीहरुलाई सजग पार्न र आम नागरिकको सुचनाको पहुँच बढाउनका लागी पनि यसको प्रयोग गर्न आवश्यक रहेको बताए ।

कार्यक्रममा बासका केन्द्रिय कार्यबाहक अध्यक्ष लुना बुढाथोकीले बासले निरन्तर भ्रष्टाचार मुक्त समाज निर्माणका लागी खबरदारी गरिरहेको बताए । उनले देशका ७७ जिल्लामा बासले सुशासन कायम गर्नका लागी लागीपरेको बताए ।

कार्यक्रममा सुचनाको हकका लागी राष्ट्रिय सञ्जाल सुदूरपश्चिम संयोजक तथा बास कैलालीका सल्लाहकार प्रेम ढुंगानाले स्वागत मन्तव्य व्यक्त गरेको कार्यक्रममा बासका केन्द्रिय कार्यबाहक कोषाध्यक्ष दिला शाह शुभकामना मन्तव्य व्यक्त गरेका थिए ।

कार्यक्रममा बासका कार्यक्रम संयोजक शुद्ध चौधरी, सुचनाको हकका लागी राष्ट्रिय सञ्जालका धनगढी अध्यक्ष चन्द्रकान्त पनेरु लगायतको २५ जना युवाहरुको उपस्थित रहेको थियो । कार्यक्रमको संचालन बास कैलालीका अध्यक्ष पाण्डव पुजाराले गरेका थिए ।