टीकापुर २०, मंसिर/टीकापुर नगरपालिका वडा नं १ का टेक बहादुर सोडारीले टीकापुर अस्पतालको डेलिभरी वार्डमा कार्यरत कर्मचारीको चरम लापरवाहीले आफ्नो साढे ३ महिनाको छोराले दुःख पाएको र आफ्नो ५ लाख भन्दा बढी रुपैयाँ उपचारमा खर्च भएको गुनासो गर्नुभएको छ ।
शनिबार पत्रकार सम्मेलन गरी साउन २९ गते टीकापुर अस्पतालमा नर्मल डेलिभरी भएको तर बच्चा जन्मेदेखि लगातार रुन थालेपछि काठमाडौंस्थित ग्राण्डी इन्टरनेशनल अस्पतालमा उपचार गर्दा दाँया हातका तीनवटा नशा तन्किएकाले हात चल्न नसकेको पत्ता लागेको जानकारी दिनुभयो । पत्रकारलाई वितरित विज्ञप्तिमा नशा तन्किएकाले अप्रेशन गर्नुपर्ने डाक्टरको सल्लाह अनुसार बच्चाको हातको अपे्रशन गरिफर्केको र यस घटनाको उचित छानविन गरी कारवाही गर्न अस्पताल प्रशासनलाई माग गरिएको छ ।
टीकापुर अस्पतालको सेवा राम्रै भएको विश्वासका साथ सेवा लिँदा डेलिभरीमा संलग्न स्वास्थ्यकर्मीको लापरवाहीले यस्तो समस्या आएकोले संलग्न लाई कारवाहीको माग गरिएको छ ।