मिति ः २०७६÷१२÷२२

आदरणीय नगरवासी बुवा आमा, दाजुभाई , दिदिबहीनी
तथा सम्पूर्ण राष्ट्र सेवकहरु ।

धनगढी उप–महानगरपालिकाको हार्दिक अपिल

विश्वव्यापी महामारीको रूपमा फैलिएको कोरोना भाइरस (कोभिड १९) फैलिन नदिन उच्च सतर्कता अपनाउनु आवश्यक छ । यसको जोखिमसँग जुध्न चुस्त बन्दोबस्त गरिएन भने त्यसले ठूलो मानवीय क्षति निम्त्याउने खतरालाई बुझेर उप–महानगरको श्रोत साधनले भ्याए सम्म सतर्कताको पूर्वतयारीमा जुटेको ब्यबहोरा सादर निवेदन गर्दछौं ।
सतर्कताको कार्यमा सबै क्षेत्रबाट सहयोग पुगिरहेको छ । अझैपनि उप–महानगरपालिका आ–आफ्नो ठाउँबाट सहकार्य र समन्वयलाई निरन्तरता दिनहुन राजनितिकदल नगरबासी, स्थानीय प्रशासन र राष्ट्र सेवक सुरक्षाकर्मीहरु, नेपाल रेडक्रस सोसाईटी धनगढी,ब्यापारी लगायतका सामाजीक संघसंस्थाहरु संग समेत हार्दिक अपिल गर्दछौं ।
धनगढीमा कोरोना भाइरस ( कोभिड १९ ) का संक्रमितहरु भेटिएको स्वास्थ्य तथा जनसङ्ख्या मन्त्रालयले पुष्टी गरेकाले पनि हामी थप जोखिममा रहेका छौं । त्यसैले २०७६ साल चैत २३ गते बिहानै देखि लागु हुने गरि सम्पूर्ण खाद्यान्न, तरकारी लगायत दैनिक उपभोग्य सामाग्रीका पसलहरु, सबै किसिमका सवारी साधनहरु पूर्ण रुपमा बन्द गरेर सहयोग गरिदिनहुन ब्यापारी मित्रहरुमा अनुरोध गर्दछौं । यस अवधीमा अतिआवश्यक दैनिक उपभोग्य बस्तुको होम डेलिभरी गरि दिनहुन उद्योग वाणिज्य संघ कैलाली, किराना ब्यावसायी संघ कैलाली, दुग्ध ब्यावसायी, तरकारी ब्यावसायी लगायतका सबैमा आग्रह गर्दछौं । यो निर्णयको कार्यान्वयनमा सहयोग पु¥याईदिनहुन स्थानीय प्रशासन र प्रहरी संग अनुरोध गर्दै निर्णयले पार्न जाने असरलाई बाध्यात्मक अवस्थाको रुपमा बुझिदिनहुन नगरवासीमा आग्रह गर्दछौं ।
लकडाउनका कारण छाकटार्न समस्या भएका परिवार मध्य अधिकांस सम्म खाद्यान्न पुगेको छ । यस बिचमा हातमुख जोर्न समस्या परेमा सम्वन्धीत वडाका अध्यक्ष, नेपाल रेडक्रस सोसाईटी र स्थानीय प्रशासन संग समन्वय गर्न आग्रह गर्दै यस्ता परिवारलाई वडामा नै खाद्यान्न उपलब्ध गराउने ब्यबस्था भएको जानकारी गराउदै उप–महानगरपालिकाले खाद्यान्न वितरणको कार्य अहिलेलाई स्थगित गरिएको ब्यहोरा नगरवासीमा जानकारी गराउन चाहन्छौं ।