धनगढी, ३ बैशाख/ सत्तारुढ नेपाली कांग्रेसले नेपाल प्रेस युनियन कैलालीका अध्यक्ष श्रवण देउवालाई कांग्रेस सुदूरपश्चिम प्रदेशको टेलिभिजन समन्वय तथा प्रचार–प्रसार उपसमितिको संयोजकको जिम्मेवारी दिएको छ । आसन्न स्थानीय तहको निर्वाचनकाको तयारीका लागि गठित प्रचार प्रसार समिति अन्तर्गत कांग्रेस सुदूरपश्चिम प्रदेशको टेलिभिजन समन्वय तथा प्रचार–प्रसार उपसमितिको जिम्मेवारी देउवाले पाएका हुन् ।

कैलालीको धनगढी घर भएका देउवा डेढ दशक देखी कैलालीमा पत्रकारितामा सकृय छन् । देउवाको नेतृत्वमा सुदूरपश्चिमका नौ जिल्लामा समेत सदस्य मनोनयन गरिएको छ । देउवा संयोजक रहने सुदूरपश्चिम समितिको कैलालीबाट शंकर बोहरा, कञ्चनपुरबाट महादेव अबस्थी, डडेल्धुराबाट धनबहादुर भण्डारी, डोटीबाट केशबचन्द्र महरा, अछामबाट खम्म खत्री, बैतडीबाट ईश्वर बोहरा, बझाङबाट रुपक खड्का, दार्चुलाबाट बासुदेब बडु र बाजुराबाट राजेन्द्रबहादुर रोकाय रहेका छन् ।

कांग्रेसले टेलिभिजन समन्वय तथा प्रचार–प्रसार उपसमितिको केन्द्रीय समितिको संयोजकमा अनिता बिन्दु रहेकी छन् । नेपाली कांग्रेसको स्थानीय तह निर्वाचन प्रचार –प्रसार समिति अन्तरगत विभिन्न विधामा गठन भएका उपसमितिलाई सातै प्रदेशमा विस्तार गरिएको हो ।
उपसमितिहरुले सातै प्रदेशमा प्रदेश समन्वय तथा प्रचार–प्रसार उपसमिति गठन गरिएको हो । कांग्रेस प्रवक्ता डा प्रकाशशरण महत संयोजक रहेका स्थानीय तह निर्वाचन केन्द्रीय प्रचार–प्रसार समिति अन्तरगत उपसमिति गठन भएका हुन् ।

बिष्णु निष्ठुरीको संयोजकत्वमा अनलाईन मिडिया समन्वय तथा प्रचार–प्रसार उपसमिति, किरण पोखरेलको संयोजकत्वमा छापा माध्यम समन्वय तथा प्रचार–प्रसार उपसमिति, अनिता बिन्दुलाई टेलिभिजन समन्वय तथा प्रचार–प्रसार उपसमिति र गोपाल झालाई रेडियो एफएम समन्वय तथा प्रचार–प्रसार उपसमितिको संयोजकको जिम्मेवारी दिइएको हो ।चारवटै उपसमिति मातहत सात वटै प्रदेशमा प्रदेश समन्वय तथा प्रचार–प्रसार समिति गठन गरिएको कांग्रेसले जनाएको छ ।