धनगढी, २० पुस । कञ्चनपुरमा प्रहरीले झण्डै एक लाख मूल्य बराबरको अवैध सामान बरामद गरेको छ। जिल्लाको भीमदत्त नगरपालिका–१० पशुपति टोलबाट अवैध रुपमा भन्सार चोरी पैठारी गरी ल्याइएको अन्दाजी ९७ हजार मूल्यको सामान पक्राउ गरेको प्रहरीले बताएको हो।

सोमबार इलाका प्रहरी कार्यालय गड्डाचौकीबाट खटिएको प्रहरी गस्ति टोलीले रुम सफा गर्ने मेसिन, बिँडी, नरिवल, हार्डवेयर लगायतका सामान बरामद गरेको जिल्ला प्रहरी कार्यालय कञ्चनपुरले जनाएको छ। बरामद गरिएका सामान आवश्यक कारबाहीका लागि गड्डाचौकी भन्सार कार्यालय कञ्चनपुर पठाइएको बताइएको छ।