धनगढी, ७  पुस/ सुदूरपश्चिम प्रदेश सरकारका दुई मन्त्रालय रिक्त भएको महिना दिन बितिसक्दा पनि मन्त्रिमण्डल विस्तार हुन सकेको छैन । गुटगत राजनिती र पदको आन्तरीक भागबण्डाका कारण मन्त्रिपरिषद् विस्तारमा ढिलाइ भएको हो । मन्त्रिपरिषद् विस्तारमा ढिलाइ हुदा प्रदेश सरकारका काम कारवाहीमा प्रभाव परेको छ ।

मन्त्रिपरिषद् विस्तारका लागी मुख्यमन्त्रीले पार्टीका नेताहरु सँग समन्वय गरेर विस्तार गर्ने नेकपा सँसदिय दलका सचेतक तारा लामा तामाङले बताए । उनले भने “एक हप्ता भित्र मन्त्रिमण्डल विस्तार हुन्छ । यो बेला मन्त्रालय फुट्दैन र फुटाउनु पनी हुदैन ।”

मुख्यमन्त्री भट्टले १४ पुसमा भौतिक पूर्वाधार विकास मन्त्री पठानसिंह बोहरालाई बर्खास्त गरेका थिए । त्यसको ७ दिनपछि २२ पुसमा आर्थिक मामिला तथा योजना मन्त्री झपट बोहरा आफैँले राजीनामा दिए ।

सँघिय राजनिती तथा सँसद विघटनको प्रभाव सुदुरपश्चिममा पनी परेको काँग्रेस सँसदिय दलका नेता रण ब रावलले बताए । रावलले भने “मन्त्रालय रिक्त भएको महिना दिन बितिसक्दा पनि मन्त्रिमण्डल विस्तार हुन सकेको छैन । नेकपाका सँसदहरु सत्ताको बार्गेनिङमा रहेको हुनसक्ने काँगे्रसले आभास गरेको छ । प्रदेश सरकार पुर्ण रुपमा असफल भएको सरकार हो । यो सरकारले जनताका पक्षमा कुनै पनि काम गर्न सकेको छैन ।”

यो सरकार लम्बिनु भनेको जनतालाइ घातक हुन्छ । काँग्रेस सत्ता साझेदार बन्दैन भन्ने उनको भनाइ थियो ।