धनगढी, १२ फागुन । महाशिवरात्रीको अवसरमा सुदूरपश्चिम पृतनाले आयोजना गरेको विविध सैनिक प्रदर्शनी तथा युनिट रन २०८१ मा सुदूरपश्चिम प्रदेश प्रमुख नजिर मियाले नेपाली सेनाको योगदानको उच्च प्रशंसा गरेका छन्।

उनले राष्ट्रको भौगोलिक अखण्डता, स्वाधीनता, सार्वभौमिकता तथा राष्ट्रिय एकताको रक्षा गर्ने नेपाली सेनाको भूमिका महत्त्वपूर्ण रहेको बताएका छन्। । नेपाली सेनाले विभिन्न कालखण्डमा राष्ट्रले दिएका जिम्मेवारी कुशलतापूर्वक बहन गर्दै आएको बताउदै उनले प्राकृतिक विपत्तिहरू जस्तै भूकम्प, बाढी, पहिरो तथा महामारीको समयमा सेनाले पु¥याएको योगदान प्रशंसनीय रहेको बताए ।

प्रदेश प्रमुख मियाले नेपाली सेनाले आफ्नो प्राथमिक जिम्मेवारीहरूभन्दा बाहिर राष्ट्रिय विकास, प्रकृति संरक्षण तथा अन्तर्राष्ट्रिय शान्ति स्थापनामा पनि महत्वपूर्ण भूमिका खेलेको बताए। उनले सुदूरपश्चिम पृतनाद्वारा आयोजित दौड तथा सैनिक प्रदर्शनीले विशेष गरी युवाहरूमा राष्ट्रिय एकताको भावना अभिवृद्धि गर्न सहयोग गर्ने विश्वास व्यक्त गरे।

उनले कला तथा संस्कृति प्रदर्शनमार्फत राष्ट्रिय एकता प्रवद्र्धन गर्ने नेपाली सेनाको प्रयासको मुक्तकण्ठले प्रशंसा गर्दै यस्ता कार्यक्रमले देशप्रेम जागृत गर्न महत्वपूर्ण भूमिका खेल्ने धारणा राखे।