धनगढी /चुरे गाउँपालिकामा यस वर्षको माध्यमिक शिक्षा परीक्षा (एसइई) को नतिजामा अघिल्लो वर्षको तुलनामा केही सुधार देखिएको छ। गाउँपालिकाभरबाट परीक्षामा सहभागी भएका २१६ जना विद्यार्थीमध्ये ६७ जना उत्तीर्ण भएका छन्। यो कुल सहभागीको करिब ३१ प्रतिशत हुन आउछ ।
गत वर्ष चुरे गाउँपालिकाबाट एसइईमा सहभागी विद्यार्थीमध्ये १८ प्रतिशत मात्रै उत्तीर्ण भएका थिए। यस वर्ष उत्तीर्ण प्रतिशत बढेर ३१ पुगेपछि शैक्षिक नतिजामा केही सकारात्मक सुधार देखिएको हो ।
विद्यालयगत रूपमा हेर्दा केदारेश्वर माध्यमिक विद्यालयले सबैभन्दा राम्रो नतिजा ल्याएको छ । उक्त विद्यालयबाट परीक्षामा सहभागी १३ जना विद्यार्थीमध्ये १० जना उत्तीर्ण भएका छन्। विद्यालयको उत्तीर्ण प्रतिशत ७७ रहेको छ।
त्यस्तै शिव माध्यमिक विद्यालय बाट २४ जना सहभागी भएकामध्ये ११ जना उत्तीर्ण भएका छन् भने मेलकोटेश्वर माध्यमिक विद्यालय बाट २९ जना सहभागीमध्ये १० जना उत्तीर्ण भएका छन्।
भानु माध्यमिक विद्यालयबाट २८ जना सहभागीमध्ये नौ जना, मोहन्याल माध्यमिक विद्यालय बाट १५ जनामध्ये सात जना तथा जनता माध्यमिक विद्यालयबाट १२ जनामध्ये चार जना उत्तीर्ण भएका छन्। यसैगरी शुक्र माध्यमिक विद्यालयबाट ३८ जना सहभागी भएकामध्ये १० जना उत्तीर्ण भएका छन् भने भैरव माध्यमिक विद्यालय बाट २५ जना सहभागीमध्ये चार जना मात्रै उत्तीर्ण भएका छन्।
भगवती माध्यमिक विद्यालयबाट ११ जना सहभागी भएकामध्ये दुई जना उत्तीर्ण भएका छन्। यता जनता माध्यमिक विद्यालय र सिद्धबाबा माध्यमिक विद्यालयका कुनै पनि विद्यार्थी यस वर्षको एसइई परीक्षामा उत्तीर्ण भएका छैनन् ।
समग्रमा अघिल्लो वर्षको तुलनामा नतिजामा सुधार देखिए पनि अझै धेरै विद्यालयको नतिजा कमजोर रहेको देखिएको छ। दुई विद्यालयको नतिजा शून्य हुनु तथा अधिकांश विद्यालयमा आधाभन्दा कम विद्यार्थी मात्रै उत्तीर्ण हुनुले चुरे क्षेत्रको शैक्षिक अवस्था अझै रहेको देखाउछ ।
