धनगढी, ५ वैशाख / कैलाली उद्योग वाणिज्य संघको आयोजना बिमा सम्बन्धी सचेतना तथा अन्तरक्रिया कार्यक्रम सम्पन्न भएको छ।  शिखर इन्स्योरेन्स कम्पनी लिमिटेडको सहकार्यमा व्यवसायीहरुको निम्ति बिमा सम्बन्धी सचेतना कार्यक्रम गरिएको हो।

कैलाली उद्योग वाणिज्य संघका अध्यक्ष पुष्कर राज ओझाको अध्यक्षतामा सम्पन्न भएको कार्यक्रममा शिखर इन्स्योरेन्स कम्पनी लिमिटेडका महाप्रबन्धक उदिप प्रसाद काफ्ले,बद्री बस्नेत तथा प्रदेश प्रबन्धक डिल्ली राज शर्माको उपस्थित रहेको थियो । कार्यक्रममा ७० जना भन्दा बढी व्यवसायी हरुको उपस्थित रहेको थियो ।

कार्यक्रमलाई सम्बोधन गर्दै कैलाली उद्योग वाणिज्य संघका अध्यक्ष पुष्कर राज ओझाले व्यावसायमा आइपर्ने जोखिम जन्य क्षति न्यूनीकरण गर्न व्यवसायिहरुले बिमा सम्बन्धमा सचेत हुनुपर्ने बताउनुभयो साथै कैलाली उद्योग वाणिज्य संघ व्यवसायिहरुको सर्वाङ्गिण हितको निम्ति सदैव अग्रसर र प्रतिवद्ध रहेको जानकारी गराउनु भयो ।

धनगढीमा भएको कार्यक्रममा शिखर इन्स्योरेन्स कम्पनी लिमिटेडका महाप्रबन्धक उदिप प्रसाद काफ्ले,प्रदेश प्रबन्धक डिल्ली राज शर्मा तथा बद्री बस्नेतले प्रस्तुतीकरण गर्नु भएको थियो , कैलाली उद्योग वाणिज्य संघका कार्यकारी प्रमुख दिनेश राज ओझाले गरेका थिए भने; सहभागी तथा सहयोगीलाई  स्वागत संघका वरिष्ठ उपाध्यक्ष केशव राज जोशीले गरेका थिए।

कैलाली उद्योग वाणिज्य संघमा बर्तमान कार्यसमिति आइसके पछि निजि क्षेत्रका हकहित तथा सुधारका क्षेत्रमा नियमित रुपमा सक्रियता बढाएको छ ।