धनगढी,२० मंसिर । महेन्द्रनगर नगर विकास पीडित मजदुरहरु आन्दोलित बनेका छन् । महेन्द्रनगर नगर विकास पीडित मजदुर भूमिहिन, सुकुम्बासी , कमैया, कमलरी तथा साना व्यवसायी,खोका छाप्राहरुले सयुक्त रुपमा बिरोध र्यालि निकालेका हुन् ।

आज  उनिहरुले महेन्द्रनगर बजारमा र्याली निकाल्दै भीमदत्त नगरपालिका अगाडी प्रदर्शन गरेका छन् । महेन्द्रनगर नगर विकास समिति पीडित सयुक्त संघर्ष समितिले विभिन्न नौ बुदे माग राख्दै बिरोधका कार्यक्रम अघि सारिएको जनाएको छ ।

समितिले गृहमन्त्रालयले जारी गरेको अबैध संग्रचनामा आफुहरुलाई मुछ्ने कार्य बन्द गरियोस, स्थायी बसोबासको व्यवस्था गरिनु पर्ने , साना व्यवसायी खोका छप्राको २०५३ सालको निर्णय कार्यान्वयन गर लगायत नौ बुदे माग राख्दै समितिले शान्तिपुर्ण बिरोध र्याली निकालेको जनाएको छ । आफुहरुका माग पूरा नभए कडा आन्दोलनमा उत्रने चेतावनी दिइएको छ ।