धनगढी, २ असोज । धनगढीमा लागुऔषधसहित एक किशोर पक्राउ परेका छन्। धनगढी उपमहानगरपालिका १३ एयरपोर्ट मोडबाट १७ वर्षीय किशोरलाई प्रहरीले पक्राउ गरेको हो।

उनको साथबाट अवैध लागूऔषध खैरो हेरोइन जस्तो देखिने पदार्थ १ सय ६० मिलिग्राम फेला परेको जिल्ला प्रहरी कार्यालय कैलालीले बताएको छ। प्रदेश प्रहरी कार्यालय धनगढीबाट खटिएको प्रहरीले जाँच गर्ने क्रममा उनलाई उक्त पदार्थसहित फेला पारी अनुसन्धान भइरहेको बताइएको छ।