सुखड, २७ वैेशाख ।कैलालीको घोडाघोडी नगरपालिका भित्रका सत्तारुढ गठबन्धनले यही वैशाख ३० गते हुने स्थानीय तहको निर्वाचनमा चुनावी तालमेल गरेर जाने निर्णय गरेका छन् । मङलबार बसेको नेपाली काँग्रेस, माओवादी केन्द्र र नेकपा (एकीकृत समाजवादी) पार्टीका शिर्षतहका नेताहरूको संयुक्त बैठकले नगरमा चुनावी तालमेल गरेर जाने र वडा स्तरमा मित्रवत् प्रतिस्पर्धा गर्ने निर्णय गरेका छन् ।

घोडाघोडीमा नेपाली काँग्रेस, नेकपा माओवादी केन्द्र नेकपा (एकीकृत समाजवादी) बिच केही प्राविधिक जटिलता देखिएको थियो । गठबन्धनको भावना र मर्म अनुरूप उपलब्धिहरू हासिल गर्न कठिन परिस्थिति सिर्जना भएको हुँदा गठबन्धन दलहरू बिच देखिएका सबै खाले असमझदारी हरूलाई अन्त्य गर्दै सहमति र सहकार्य गर्दै अघि बढ्ने सहमति भएको प्रेस विज्ञप्ती मार्फत जानकारी गराएको छ ।

गठबन्धन दलको केन्द्रीय स्तर बाट भएको देश भरीका सबै स्थानीय तहमा गठबन्धन गरी स्थानीय तहको निर्वाचनमा साझा उम्मेदवार बनाइ अघि बढेको भए पनि घोडाघोडीमा पनि नगरमा तालमेल भए पनि वडाको जिम्मा तथा कुन वडामा कसले पाउने भन्ने विषयमा निर्णय हुन बाकी रहेको थियो । मङलबार बसेको गठबन्धन दलका शीर्ष नेताहरूले वडा स्तरमा भने मित्रवत् प्रतिस्पर्धा गर्ने निर्णय गरेको हो ।

आगामी दिनमा यस घोडाघोडी नगरपालिकामा वडा स्तरमा मित्रवत् प्रतिस्पर्धा गर्ने र नगर प्रमुखमा नेकपा (एकीकृत समाजवादी) का तर्फ बाट साझा उम्मेदवार खडक बहादुर रावत लाई पहिलो कलम चिन्हमा तथा नगर उपप्रमुखमा नेपाली काँग्रेस का तर्फबाट साझा उम्मेदवार गुलिया कुमारी चौधरी लाई दोस्रो रुख चिन्हमा मतदान गरी विजय गराउन प्रेस विज्ञप्ति मार्फत अनुरोध गरेका छन् ।