धनगढी, ११ वैशाख ।धनगढी उपमहानगरपालिकाको मेयर पदमा मनोनयन दर्ता गर्न गइरहेको गोपाल हमालको ¥यालीबाट अवैध लागुऔषध चरेशसहित एकजना पक्राउ परेका छन् ।

मेयर पदमा मनोनयनका लागि धनगढीको ट्राफिक चौराहबाट सुरु भएको गोपाल हमालसहितको ¥यालीमा हमाल समर्थक नरेश बाजी अवैध लागुऔषध चरेशसहित पक्राउ परेका हुन् । ¥यालीमा गोपाल हमालको समर्थनमा नाराबाजी गरिरहेको समयमा उनको साथबाट २० ग्राम लागुऔषध चरेशसहित पक्राउ परेको प्रहरीले बतायो । ‘गोपाल हमालको ¥यालीमा रहेका नरेश बाजीको साथबाट २० ग्राम अवैध लागु औषध मानिएको चरेश बरामद गरिएको छ,’ जिल्ला प्रहरी कार्यालय कैलालीका प्रहरी नायव उपरीक्षक वेदप्रकाश जोशीले भने,‘पक्राउ परेका बाजीलाई जिल्ला प्रहरी कार्यालयमा ल्याउन लागिएको छ, यस सम्बन्धी थप अनुसन्धान भइरहेको छ ।’