धनगढी, १ माघ/नेपाल प्रेस युनियन लम्की कैलालीका निर्वातमान अध्यक्ष तथा पत्रकार डम्मर बम मोरसाईकल दुर्घटनमा घाईते भएका छन् ।काठमाण्डौको बिजुलीबजारमा पत्रकार बम सवार बा १ ब ९९१५ नम्बरको मोटरसाईकलमा बिपरित दिशाबाट अर्को मोटरसाईकलले ठक्कर दिई दुर्घटना भएको हो ।

ठक्कर दिने मोटरसाईकलको पहिचान हुन सकेको छैन । उक्त मोटरसाईकल खोजिका लागि प्रहरीमा जाहेरी समेत दिएको पत्रकार बमले जानकारी दिएका छन् ।
घाइते पत्रकार बमको टाउको, हात, नाक र कम्मरमा चोट लागेको छ ।

सिभिल हस्पिटल सामन्य उपचार पछि थप उपचारका लागि काठमाण्डौ मोडेल हस्पिटलमा उपचार भैरहेको छ । नाकको एक साता पछि अपरेशन गर्ने बताइएको छ ।लम्की चुहा – ९ प्रतापपुर कैलाली निवासी पत्रकार बम हाल कामका शिलशिलामा काठमाण्डौ बस्दै आएका छन् । उनी अहिले नेपाल निजामती कर्मचारी युनियन शहरी बिकस मन्त्रालय बिभागका सचिव समेत हुन् ।