धनगढी,१७ पुस । कैलालीको धनगढीमा लागुऔषधसहित एक जना पक्राउ परेका छन्। धनगढी उपमहानगरपालिका–२ वैयावेहडीका २१ वर्षीय रमेश चौधरीलाई पक्राउ गरिएको हो । शुक्रबार लागुऔषध नियन्त्रण ब्युरो महेन्द्रनगर, कञ्चनपुर र जिल्ला प्रहरी कार्यालय कैलालीबाट खटिएको संयुक्त प्रहरी टोलिले उनलाई पक्राउ गरेको प्रहरीले बताएको छ।

उनको साथबाट २ ग्राम ८०० मिलिग्राम लागुऔषध ब्राउनसुगर बरामद गरिएको जिल्ला प्रहरी कार्यालय कैलालीले जनाएको छ। चौधरीलाई नियन्त्रणमा लिई थप अनुसन्धान भइरहेको जिल्ला प्रहरी कार्यालयका प्रवक्ता प्रहरी नायब उपरीक्षक वेदप्रकाश जोशीले बताए।