जगत देउबा
धनगढी ११ कार्तिक/भारतको पलिया स्थित शारदा पुल आवागमन अबरुद्ध भएपछि बैकल्पिक बाटो प्रयोगबाट धनगढीमा पेट्रोलियम पदार्थको अयात गरिएको छ । आयल निगम धनगढीले पेट्रोलियम आयात गरेपछि धनगढीमा पेट्रोलियम पदार्थको सहज भएको छ ।

भारतको पलियाको शारदा पुल भत्तकिएपछि आयात हुन नसकेको पेट्रोलियम पदार्थ आयल निगम धनगढीले वैकल्पिक सडक पलिया, लखिमपुर, ढकरियाको सडक प्रयोग गरेर सुदूरपश्चिमा पेट्रोलियम पदार्थका ट्याङ्कर भित्र्याएको नेपाल आयल निगम सुदूरपश्चिमका प्रमुख रामकुमार न्यौपानेले जानकारी दिए ।

अहिले सुदूरपश्चिमको कैलाली कञ्चनपुर लगाएतका पहाडी जिल्लामा पेट्रोलियम आपूर्ती भएपछि उपलब्धता सहज भएको छ । बिहीबार धनगढीमा तीन सय लाख लिटर पेट्रोल र चार सय लाख लिटर डिजेल पुगेपछि सुदूरपश्चिममा पेट्रोलियम पदार्थको उपलब्धता सहज भएको हो । नेपाल आयल निगम सुदूरपश्चिमका प्रमुख रामकुमार न्यौपानेले भित्रिएको पेट्रोलियम पदार्थ प्रदेशका सबै जिल्लाका पेट्रोल पम्पमा पठाइसकेको बताएका छन् ।

नेपाल आयल निगम सुदूरपश्चिमका प्रमुख रामकुमार न्यौपानेले शारदा पुल भत्किएपछि सुदूरपश्चिममा पेट्रोलियम पदार्थको सहजताका लागि अहिले ८० किलोमिटर बढी दूरी तय गरेर पेट्रोलियम पदार्थ भित्र्याएको बताए । भारतको पलिया नजिकै शारदा पुल अबरुद्ध भएपछि पेट्रोलियम पदार्थ निर्यात अबरुद्ध भएपछि धनगढीमा पेट्रलियम पदार्थको अभाव भएको हो । पलियाको शारदा पुल केही दिन देखी यातायात अबरुद्ध भएको थियो । सो पुल अबरुद्ध भएपछि कानपुरबाट पेट्रोलियम पदार्थ आयात हुन सकेको थिएन ।