काठमाडौं । एक समय यस्तो थियो, फोटोग्राफी भनेकै क्यामेरा हुन्थ्यो । तर पछिल्ला केही वर्षमा एकसे एक उत्कृष्ट स्मार्टफोन बजारमा आएका छन् । जसले गज्जबको फोटोग्राफीको काम गर्न सक्छन् ।

यतिसम्म कि डीएसएलआर पनि फोनको अगाडि नतमस्तक जस्तै हुनपुग्छ । अहिलेको समयमा क्यामेरा भएको फोन लगभग सबैसँग हुन्छ र आजको समयमा सबै जना फोटोग्राफर । तर यदि केही टिप्स अपनाउने हो भने फोटोग्राफीलाई अर्को स्तरमा लैजान सक्नुहुन्छ ।

यस्ता छन् केही टिप्स

• फोटो शूट गर्नुभन्दा अगाडि सुती कपडाले आफ्नो फोनको क्यामेरा सफा गर्नुहोस् । लेन्स सफा नगर्दा फोटोहरु धमिलो हुन पुग्छन् । कतिपय पटक त हामी खाना खाइसकेपछि सोझै फोन समातिरहेका हुन्छौं । केही व्यक्तिहरु त झन् खाना खाइरहँदा समेत फोन चलाउन नछाड्ने बानीका हुन्छन् । यस्तोमा खानामा प्रयोग भएको तेलको छाप लागिरहेको हुन्छ । त्यसैले लेन्स सफा गर्नु तपाईंको पहिलो काम हुन्छ ।
• कतिपय समय शूट गर्दा फोटो बर्न भइरहेको हुन्छ । यसका लागि मोबाइलमा फोटोको फ्रेम तयार हुनेबित्तिकै सबैभन्दा चहकिलो भागमा ट्याप गर्नुहोस् । यसबाट क्यामेरामा सन्तुलित एक्सपोजर तयार हुन्छ र राम्रो परिणाम निस्किन्छ । तपाईं डार्क वा ब्राइटमा गएर समेत एक्सपोजर मिलाउन सक्नुहुन्छ ।
• आफ्ना साथीभाइ वा परिवारको फोटो खिच्दै हुनुहुन्छ भने कन्ट्रास्ट ब्याकग्राउण्डको प्रयोग गर्नुहोस् । यसबाट फोटोको गुणस्तर अझ सुध्रिनेछ । यदि आमनेसामने कन्ट्रास्ट छैन भने घुँडा टेकेर बस्नुहोस् । सकेसम्म अनुहार पछाडि आकाशको हिस्सा देखियोस् । यसको भिन्नता तपाईंले अवश्य पनि महसुस गर्नुहुनेछ ।
• यदि आउटडोर वा घरबाहिर शूट गर्दै हुनुहुन्छ भने सूर्य तपाईंको ९खिच्ने मान्छेको० पछाडिपट्टी हुन जरुरी छ । यसबाट अनुहार र वस्तुमा राम्रो प्रकाश पर्नेछ ।
• त्यस्तै घर तथा भवनभित्र शूटिङ गर्दै हुनुहुन्छ भने प्रकाशको स्रोतको अवश्य ख्याल राख्नुहोस् । फ्रेममा लाइट सोर्स देखिनबाट जोगाउनुहोस् । यदि त्यसो गर्न सम्भव छैन भने छायादार इफेक्टको प्रयोग गर्नुहोस् ।
• पोट्रेट मोड त्यतिखेर मात्र प्रयोग गर्नुहोस्, जब तपाईंको अगाडि केवल एउटा मात्र सब्जेक्ट फोटो खिचिने व्यक्ति वा वस्तु होस् । यदि
• साथमा थुप्रै व्यक्तिहरु हुनुहुन्छ भने यो मोड प्रयोग नगर्नुहोस् । किन भने यसबाट कसैको काँध वा रौं ब्लर हुन सक्छ । पोट्रेट मोड केवल फूल, जनावर वा यस्तै अरु चिजको फोटो खिच्नका लागि अझ बढी उपयुक्त हुन्छ ।
• यसैगरी कुनै स्थिर वस्तुको भिडियो शूट गर्दै हुनुहुन्छ भने स्लो मोसनमा शूट गर्नुहोस् र यस्तोमा वस्तुतर्फ अगाडि बढ्नुहोस् । यसबाट थ्रीडी इफेक्ट समेत क्रियट गर्न सकिन्छ ।
• शूटिङको दौरान ब्ल्याक तथा व्हाइट फ्रेम प्रयोग गर्नुहोस् । यसले कुनै पनि कलर फोटोग्राफलाई अझ राम्रो देखाइदिन सक्छ ।