सुर्खेत
असार ७ ।
डोल्पाको ठुलिभेरि नगरपालिका को जुफाल बजार स्थानीय युवाहरुको आन्दोलनको कारण तनावग्रस्त बनेको छ ।
ठुलिभेरि नगरपालिका वडा नं.६ का ५ जना प्रतिनिधिले वडाका भौतिक संरचनाहरु नगरपालिकाको स्यारुपाटि मा बनाउने भनेर स्थानीयलाई आस्वासन दिए पनि अहिले सम्म कुनै पनि भौतिक संरचना सो ठाउँमा नबन्दा स्थानीयहरु आन्दोलनमा उत्रिएका हुन् ।
यो भन्दा अगाडि वडाका प्रतिनिधिहरुले समुदायको उपस्थितिमा वडाका भौतिक संरचनाहरु स्यारुपाटिमा बनाउने जनाए पनि अहिले कोठे समिति मार्फत वडा अध्यक्ष धर्मलाल बुढाको एकल निर्णयले स्वास्थ्यको भवन थरगाउँमा राखेको आन्दोलनकारी युवाहरुले आरोप अलाएका छन् ।

‘पहिला जनताको बिचमा एकटा कुरा गर्ने अहिले आफ्नो खुसिको निम्ति कसैलाई जानकारी नदिइ षडेयन्त्र मुलक तरिकाले कोठे निर्णय गर्दै आफु खुसि योजनाहरु बनाउदै हिड्ने वडा अध्यक्षको गलत प्रबिद्धिका विरुद्ध आन्दोलन गरिएको हो, ‘आन्दोलनका नेतृत्वकर्ता जनक कार्किले भने,।’

ठुलिभेरि नगरपालिकाको वडा नं.६का १५०जना युवाहरुले नगरपालिकाको कार्यालयमा अनिश्चितकालिन तालाबन्दी गरेका छन् । आफ्नो माग पुरा नहुन्जेल यो आन्दोलनलाई नरोक्ने आन्दोलनमा सहभागि युवा नरभुम रोकायाले बताए ।

नगरप्रमुख गणेश बहादुर शाहीलाई ३ दिन अघि मात्र आफ्ना मागको बारेमा ज्ञापनपत्र बुझाएका थिए । नगर प्रमुख लगायत जनप्रतिनिधिहरुले आफ्नो मागको कुनै सुनुवाई नगरेको हुनाले आन्दोलनलाई झन कडा गर्नु परेको आन्दोलनमा सहभागि युवाहरु बताउछन् ।

आन्दोलनकारी युवाहरुले नगरपालिका जनप्रतिनिधिहरुलाई आर्थिक अनियमिता,कोठे उपभोक्त समिति गठन ,एकलौटी शाषन, जनमतको बर्खिलाप,वडा कार्यालय खल्तीमा राखेर हिड्ने जस्ता आरोपहरु लगाएका छन् । तर आफ्नो माग पुरा नहुन्जेल आन्दोलन अनिििश्चतकालिन जारि रहने असिम रोकायाले बताए ।