धनगढी, १२ बैशाख- सुदूरपश्चिम प्रदेश भरी आज बौशाख १२ गते साझ ८ मिनेट बत्ती बन्द (व्ल्याक आउट) गरेर संघिय तथा प्रदेश सरकारको बिरोध गरिने भएको छ ।

नागरिक समाज सुदूरपश्चिम प्रदेशले पछिल्लो समयमा प्रदेशमा बढ्दै गएको भ्रष्टाचारको अन्त्य गर्न दबाब सिर्जन गर्न बत्ती बन्द गरेर सरकारको बिरोध गर्न आह्वान गरकोे हो ।

प्रदेस सरकार कोरोना नियन्त्रणका नाममा भ्रष्ट्राचारमा लिप्त भएको, नागरिकका समस्याका सवालमा सरकारको गैर जिम्मेवारीपनाको बिरोध स्वरुप शुक्रबार बेलुका ८ः८ देखि ८ः१६ बजे सम्म बत्ती बन्द गरेर सरकारका गलत कामका बिरुद्ध खबरदारी गरिने नागरिक समाज सुदूरपश्चिमका बिरबहादुर जेठाराले जानकारी दिए ।

सरकारका गतल रबैयाका बिरुद्ध सबै सुदूरपश्चिमेली जनतालाई ८ मिनेट आ आफ्नो घरको बत्ती बन्द (व्ल्याक आउट) गरेर सरकारलाई दबाव सिर्जन गर्न समेत जेठाराले अपील गरेका छन् ।

बिश्ब समुदायनै कोरोनाको महामारीको सामना गरिरहेको अबस्थामा सुदूपश्चिम प्रदेश सरकारले कोरोना रोकथामको लागि जनताले गरेको सहयोगमा समेत भ्रष्ट्राचार गरेको जेठाराको आरोप छ ।

यता नागरिक समाजले प्रदेश सरकारका बिरुद्धमा गरेको आन्दोलनमा नेपाली कांग्रेस सुदूपश्चिम प्रदेशको प्रमुख प्रतिपक्ष दलले पनि समर्थन गर्ने भएको छ । सुदूपश्चिम प्रदेश सरकारले कोरोना रोग नियन्त्रण गर्न प्रदेशमा ठोस कदम चाल्न नसकेको र भ्रष्टाचारमा लिप्त भएकोले नागरिक समाजको आन्दोलनलाई समर्थन रहेको नेपाली कांग्रेस प्रमुख प्रतिपक्षदलका नेता डा.रणबहादुर रावलले बताए ।