काठमाडौं । नेपाली कांग्रेसमा देखिएको पछिल्लो विवाद समाधानका लागि नेताहरु बिहानैबाट छलफलमा जुटेका छन् । आइतबार पनि केन्द्रीय समिति बैठक बहिष्कार भएपछि असन्तुष्ट पक्षलाई मनाउन कांग्रेस उपसभापति विमलेन्द्र निधि पौडेल समूहका नेताहरुसँग छलफलमा जुटेका हुन् ।

उनी वरिष्ठ नेता रामचन्द्र पौडेल समूहले संस्थापन पक्षसँग वार्ताका लागि गठन गरेको समितिका नेताहरुसँग छलफल गर्न केन्द्रीय सदस्य प्रकाशमान सिंहको निवास चाक्सीबारी पुगेका छन् । चाक्सीबारीमा अहिले उपसभापति निधि केन्द्रीय सदस्यहरु सिंहसँगै दिmेन्द्रप्रसाद बडू र हृदयराम थानी विवाद समाधनको उपायको खोजीक लागि छलफल गरिरहेका छन् ।

बमबमबम
“आन्तरिक समस्या समाधानका निम्ति कांग्रेस नेताहरुबीच प्रकाशमान सिंहको निवासमा भर्खरै छलफल सुरु भएको छ,” नेता सिंहका सहयोगी यूपी लामिछानेले भने, “छलफलमा उपसभापति विमललेन्द्र निधि, पूर्वमहामन्त्री प्रकाशमान सिंह र केन्द्रीय सदस्यहरु हृदयराम थानी र दिलेन्द्रप्रसाद बडू सहभागी हुनुहुन्छ ।”

यसअघि गत शनिबार बेलुकी पनि उपसभापति निधिले सोही समितिसँग समस्या समाधानको प्रयास स्वरुप वार्ता गरेका थिए । नेताहरुले उक्त वार्ता सकारात्मक रहेको बताए पनि निष्कर्ष भने निकाल्न सकेका थिएनन् ।

यस्तै आइतबार पनि उपसभापति निधिले महामन्त्री डा। शशांक कोइरालाको निवास महाराजगञ्ज पुगेर केनद्रीय समिति बैठकमा उपस्थित हुन आग्रह गरेका थिए । निधिसँगको छलफलपछि महामन्त्री कोइराला र नेता सिंहबीच भएको छलफलमा आइतबारको बैठकमा उपस्थित नहुने सहमति जुटेको थियो ।

बिहीबारबाट सुरु भएको केन्द्रीय समितिमा पेस भएका एजेण्डा सहमतिमै पारितका लागि सभापति शेरबहादुर देउवा शनिबार बिहान उपसभापति निधिका साथ वरिष्ठ नेता पौडेललको निवास बोहराटार पुगेका थिए । उनले बैठकमा उपस्थित हुन आग्रह गरे पनि नेता पौडेलले १४ औं महाधिवेशनको कार्यतालिका नल्याउँदासम्म बैठकमा उपस्थित नहुने अडान राखेका थिए ।

सभापति देउवासँगको छलफलपछि नेता पौडेल शनिबार पाथीभरा देवीको दर्शनका लागि भन्दै विराटनगर गएका थिए ।