धनगढी, ६ चैत/कैलालीको अत्तरियामा सडक किनारामा रोकिएका २ ट्रकमा आगजनी भएको छ । अत्तरियाको पहाड रोड किनारामा रोकिएका ट्रकमा एक्कासी आगलागी भएको हो । आईतबार राती करिब १२ बजेको समयमा ट्रकमा आगलागी भएको स्थानीयले बताएका छन ।

आगलागीबाट म १ ख ३७८ नम्बरको ट्रक पुरै जलेर नष्ट भएको छ भने अर्को प्रदेश ०२–०३– ००१ ख ०१६४ नम्बरको ट्रकमा आंसिक क्षति भएको छ । आगलागी स्थानीय र दमकलको सहयोगमा नियन्त्रणमा लिइएको थियो । आगलागी कसरी भयो भन्ने बारेमा खुल्न नसकेको इलाका प्रहरी कार्यालय मालाखेतीका डिएसपी गणेश बरालले बताएका छन । उनले घटनाको बारेमा अनुसन्धान गरीरहेको बताएका छन ।