धनगढी, १० मंसिर – नेपाली काँग्रेस सुदूरपश्चिम संसदीय दलका नेता डा. रणबहादुर रावलले टीकापुरका खेलप्रेमीले अब खेलकुद मन्त्रालयमा धर्ना बस्नुपर्ने बताएका छन् ।

टीकापुर क्षेत्रमा खेलुदका लागि थुर्पै जमिनहरु छन् तर, यस क्षेत्रमा खेलकुद मन्त्रालयले पुर्वाधार निर्माणका लागि कुनै सुनुवाई नगरेको बताउदै अब टीकापुरबासीले आन्दोलन खेलकुद मन्त्रालय केन्द्रीत गरी धर्ना दिनुपर्ने सुझाब दिएका छन् ।
टीकापुर व्याटमेन्टिन संघको आयोजना मंगलबार टीकापुरमा आयोजित कार्यक्रममा बोल्दै नेता रावलले सो कुरा बताएका हुन् । ‘धेरै बिधाका कयौ खेलाडी टीकापुरले जन्माएको छ’ नेता रावलले भने–‘खेलकुद बिकास गर्न यो÷त्यो पार्टी नभनी सबै राजनीतिक दलको एकता हुन आवश्यक छ ।’

अब टीकापुरलाई स्पोर्टस हबका रुपमा बिकास सबै लाग्नु पर्ने उनको जोड थियो । टीकापुर बिकास गर्न स्थानीय सरकारले पनि कुनै ठोस योजना ल्याउन नसकेको नेता रावलको आरोप छ । पर्यटकीय क्षेत्र सुन्दर नगरी टीकापुरलाई बिकास गरे सुदूरपश्चिमकै प्रमुख केन्द्र समेत बनाउन सकिने उनको दाबी छ ।

अर्को प्रशंगमा नेता रावलले जनताका पक्षमा काम गर्न तथा बिकास गर्न आफु सधै जनताको सेवक भएको बताउदै हरेक कदममा जनताको पक्षमा उभिने रावलको भनाई छ । टीकापुर व्याटमेन्टीन संघका अध्यक्ष नेत्रबहादुर रावलको सभापतित्वमा भएको कार्यक्रमको प्रमुख अतिथी नेपाली काँग्रेस सुदूरपश्चिम संसदीय दलका नेता डा. रणबहादुर रावल रहनुभएको थियो ।

नेपाली काँग्रेस कैलाली क्षेत्र नम्बर १का क्षेत्रिय सभापति भुवनेश्वर अधिकारी, नेकपाका मोहन बिक लगाएतले मन्तव्य व्यक्त गरेका थिए । कार्यक्रमको संचालन संघका सचिव पर्मानन्द पाण्डेले गरेका थिए ।