धनगढी, १ मंसिर/ डोटीको लानाकेदारेश्वर स्वास्थ्य चौकी मतदान केन्द्र को लागि खटिएको गाडी बडिकेदार ५ मा दुर्घटना भएको छ । डोटीको बडीकेदार गाउपालीका ५ उपस्वास्थ्य चौकी मतदान केन्द्र मार्कोमा खटाईएको बा २ झ २२३५ नम्बरको जिप अत्तरकाडाँ सडकखण्डमा दुर्घटना भएको हो ।

दुर्घटनामा उपस्वास्थ्य चौकी मार्कोट मतदान केन्द्र (क) का मतदान अधिकृत उत्तम उपाध्याय र मतदान केन्द्र (ख) का अधिकृत दिनेशसिह रैखोला सहित विपी नगर प्रहरी चौकीको प्रहरी टोली रहेको विपी नगर प्रहरी चौकी डाटीका बरिष्ठ प्रहरी नायब निरीक्षक बसन्त खातीले जानकारी दिए ।

उनका अनुसार सो जिपमा मतदान केन्द्र (क) र (ख) का लागी मत पत्रसमेत रहेका थिए । जिप दुर्घटनामा परि उपस्वास्थ्य चौकी मार्कोट मतदान केन्द्र (ख) का अधिकृत रैखोला हातमा सामान्य चोट लागेको छ । जिपको ब्रेक फेल भएर भित्तामा ठोकीएर सडकमै पल्टीएको बरिष्ट प्रहरी नायब निरीक्षक खातीले बताए । अहिले विपीनगर प्रहरी चौकीको टोलीको सहयोगमा मतदान अधिकृत र मतपत्र उपस्वास्थ्य चौकी मार्कोट मतदान केन्द्रमा पठाईएको प्रहरीले बताएको छ ।