धनगढी,१८ कातिक
लागुपदार्थको दुब्र्यशनी बिरुद्धको कार्ययोजना निर्माणका लागि धनगढी उप–महानगरपालिकाले सरोकारवाला पक्षहरु संग छलफल थालेको छ ।
धनगढी उप–महानगरपालिकाले सोमबार जिल्ला प्रशासन कार्यालय, वडा प्रहरी कार्यालय, पुर्नस्थापना केन्द्रका प्रतिनिधी, नेपाल पत्रकार महासंघका प्रतिनिधी, शिक्षकहरु र दुब्र्यशनी र स्वास्थ्यका क्षेत्रमा कृयाशिल संघसंस्थाका प्रतिनिधीहरु संग छलफल गरेको हो । मंगलबार पुनः छलफल गर्नेगरी बैठक सकिएको नगरप्रमुख नृपबहादुर वडले बताए ।
बैठकले नगरक्षेत्र भित्रको दुब्र्यशनीको प्रारम्भीक लागत संकलन गर्ने, लागु औषध प्रयोग हुने क्षेत्रको पहिचान गर्ने, सम्वन्धीत क्षेत्रमा क्रियाशिल संघसंस्थाहरु संग समिक्षा गर्ने र लागुपदार्थको दुब्र्यशनी बिरुद्धको कार्ययोजना तयार गर्ने बिषयमा छलफल भएको नगरप्रमुख वडले बताए । पूर्वाधार विकासको काम भैरहने बिषय हो नगरप्रमुख वडले भने, नगरका बालबालिका र किशोरहरुलाई बचाउन सके बढी उपलब्धी हुने देखिन्छ ।
स्वास्थ्य क्षेत्रमा क्रियशिल तपेन्द्र भुषालले धनगढीमा मात्रै ५ सय ३७ जना लागुपदार्थको सेवन गर्ने ब्यक्ति रहेको बताए । उनले भने, खुला सिमाना र लागु पदार्थको सहज उपलब्धताले दुब्र्यशन गर्नेहरुलाई सजिलो भएको छ ।