कैलाली , ३ चैत । नयाँ बर्षको अवसर पारेर धनगढीमा सुदुरपश्चिम प्रदेश प्रथम मुख्यमन्त्री वनदेवी युवा क्लब (बिवाइसी) महिला गोल्डकप आयोजना हुने भएको छ ।

आयोजक वनदेवी युवा क्लबले आज धनगढीमा आयोजना गरेको पत्रकार सम्मेलनमा यहि बैशाख ३ गतेदेखि १० गतेसम्म धनगढी स्थित रंगशालामा गोल्डकपको आयोजना गरिने प्रतियोगिता संयोजक दुर्गा अधिकारीले बताए ।

उनले नेपाल बाहेक भुटान र भारतबाट समेत महिला टिमलाई सहभागीता गराउने तयारी भैरहेको जानकारी दिए । प्रतियोगितामा बिभागिय टिम सहित ८ देखि १० क्लबको सहभागीता रहने संयोजक अधिकारीले बताए ।

क्लबका अध्यक्ष सुसन जोशीले गोल्डकपको बिजयी टिमले ट्रफी सहित नगद ५ लाख र उपबिजेताले ट्रफी सहित २ लाख ५० हजार रुपैया पुरस्कार राशी प्राप्त गर्ने बताए ।

प्रतियोगितामा म्यान अफ दी म्याचलाई ५ हजार, त्यस्तै विभिन्न बिधाका उत्कृष्ट खेलाडीलाई १० हजार र प्रतियोगिता भरी उत्कृष्ट हुने खेलाडीले नगद ५० हजार रुपैया प्राप्त गरिने आयोजक क्लबका अध्यक्ष जोशीले बताए ।

महिला गोल्डकप संचालनका लागि करिब १ करोड रुपैया खर्च लाग्ने अध्यक्ष जोशीले बताए ।