धनगढीः धनगढीमा रहेको निसर्ग हस्पिटल एण्ड रिसर्च सेन्टर प्रालिले धुर्मुस सुन्तली फाउन्डेशनलाई डेढ लाख बढी रकम सहयोग गरेको छ।

गौतम बुद्ध अन्तर्राष्ट्रिय क्रिकेट रङ्गशाला निर्माण अभियानका लागि सहयोग जुटाउन धनगढी पुगेका धुर्मुस सुन्तली फाउन्डेशनका अध्यक्ष सीताराम कट्टेल ९धुर्मुस० सहितको टोलीलाई आइतबार अस्पतालका अध्यक्ष तिर्थराज पन्तले १ लाख ५१ हजार ५ सय ४५ रुपैँयाको चेक हस्तान्तरण गरेका हुन।

चेक हस्तान्तरण गर्दै अस्पतालका अध्यक्ष पन्तले विगतमा पनि विभिन्न सामाजिक कार्यमा निसर्ग अस्पतालको साथ रहदै आएको र आगामी दिनमा पनि रंगशाला निर्माण र अन्य सामाजिक कार्यमा साथ दिने बताएका छन्।

जनस्तरबाट निर्माण भइरहेको गौतम बुद्ध अन्तर्राष्ट्रिय क्रिकेट रङ्गशाला निर्माण अभियानमा सहयोग जुटाउन टोली धनगढी पुगेको छ। धुर्मुस सुन्तली फाउन्डेशनका अध्यक्ष सीताराम कट्टेल ९धुर्मुस०ले रङ्गशाला खेलका लागि मात्र नभएर सांस्कृतिक रङ्गशाला बन्ने बताएका छन्।

देशका ७७ वटै जिल्लाका कला, साहित्य, परम्परा र संस्कृति झल्कने कक्षहरू पनि रङ्गशालामा निर्माण गरिने भएकाले हरेक नागरिकले आफ्नो संस्कृति र पहिचानलाई देश तथा विदेशमा समेत फैलाउन सहयोग गर्नुपर्ने उनको भनाई छ।