धनगढी, ६ फागुन
धनगढी उप–महानगरपालिकाले ल्याउने तयारीमा रहेको लैङ्गिक समानता तथा सामाजिक समावेशीकरण नीति माथी बिहीबार छलफल भएको छ । धनगढी उप–महानगरपालिकामा रहेका नागरिक समाजका संघसंस्था र सरोकारवालहरु बिच लैङ्गिक समानता तथा सामाजिक समावेशीकरण नीतिको मस्यौदा माथी बृहत छलफल भएको हो ।

धनगढी उप–महानगरपालिकाका प्रमुख नृपबहादुर वडले अहिले ल्याउने नीतिले दुरगामी असर पार्ने भएकाले बृहत छलफल गरिएको बताए । सरोकारवालहरु संग समुह छलफल तथा अन्तरक्रियाका माध्यमबाट सुझाव लिने काम भएको छ धनगढी उप–महानगरपालिकाका उप–प्रमुख तथा गैसस समन्वय समितिका संयोजक सुशीला मिश्र भट्टले भनिन्, ‘ यस नीतिलाई राम्रो बनाउनका लागि सुझाव लिने काम भएको हो ।’ उप–प्रमुख भट्टले सहभागिहरुबाट महत्वपूर्ण सुझाव प्राप्त भएको बताईन । छलफल र सहभागिताबाट ल्याउने नीति प्रति सबैको अपनत्व हुन्छ उप–प्रमुख भट्टले भनिन् उप–महानगरपालिकाले सबै पक्षको सुझाव लिएर यस्ता नीतिहरु ल्याउने गरेको छ ।’

लैङ्गिक समानता तथा सामाजिक समावेशीकरण नीति, कार्यनीति, रणनीति र क्रियाकलापहरुमा राम्रो छलफल भएको उप–महानगरपालिकाका कानुन अधिकृत खडक कुन्जेडाले बताए । कार्यक्रम धनगढी उप–महानगरपालिका र एकाउन्टविलिटी ल्यावको आयोजनामा भएको हो ।