चीन – चीनको ल्याबमा स्पेनका वैज्ञानिकले डिजाइनर भ्रूण बनाएका छन्। मानिस र बाँदरलाई मिलाएर एक भ्रूण तयार गरिएको हो। यो हाइब्रिड भ्रूणबाट बन्ने बच्चामा बाँदर र मानिस दुवैको खुबी हुनेछ।

भ्रूणलाई १४ दिन विकास गरे पश्चात रोकिएको छ। यो प्रयोग खासगरी मानिसमा जनावरका अंगहरु ट्रान्सप्लान्ट गर्नको लागि महत्वपूर्ण मानिएको छ।

स्पेनिस खोजकर्ता जुआन कार्लोसले जेनेटिकली परिमार्जित बाँदरको भ्रूणबाट जिन निष्कृय गरे, जसले अंगको विकास गर्ने काम गर्छ। यसपछि भ्रूणमा मानिसको मुख्य कोशलाई राखिन्छ। यसरी भ्रूण स्नायु निर्माणको लागि सक्षम बन्छ।

हाइब्रिड भ्रूण तयार भइसकेको थियो तर विकास भएको १४ दिनपछि अन्त्य गरियो । भ्रूणमा रातो धर्का देखिन थालेको थियो। तर भविष्यमा भ्रूणमा सेन्ट्रल नर्भ सिस्टम विकास हुन नसक्ने कारण यो रोकियो । तापनि भ्रूण तयार गर्ने प्रयोग भने सफल रह्यो।

कार्लोसले २०१७ मा पहिलो पटक मानिस र सुँगुरको जेनेटिक वस्तु मिलाएर एक भ्रूण बनाएका थिए । यद्दपि यो प्रयोग खासै सफल हुन भने सकेन्।