धनगढी, १७ पुस/नेकपा सुदूरपश्चिमका सह–इन्चार्ज खगराज भट्टले प्रधानमन्त्रीले चालेको कदम संविधानमाथिको प्रहार भएको बताएका छन् । उनले भने ‘यतीबेला ओली जंग बहादुरको नयाँ अवतार बोकेर आएका छन्, राजा महेन्द्रको श्रीपेच बोकेर आएका छन्, यस्ता प्रवृतीको अन्त्य गर्न सबैले प्रतिकार गर्नुपर्छ ।’
उनले देश बिचार र दृष्टीकोणबाट चल्ने भन्दै प्रधानमन्त्रीको कमेडीबाट देश नचल्ने बताए । प्रधानमन्त्री ओलीले एकपछि अर्को झुटहरु बोल्दै जाने, देश र जनताको भविष्य धरापमा पार्ने प्रवृती मौलाएको बताए ।यस्तै नयाँ नियुक्त गरेका मन्त्रीहरु ब्रोइलर कुखुरा मात्रै भएको बताए । भने ‘यस्ता ब्रोइलर कुखुराले कुनै उपलब्धी नदिने र छोटो समयमै नष्ट भएर जाने बताए ।’ भटट्ले ४० बर्ष प्रचण्डको संगत गरेकाहरु अहिले प्रचण्डकै विरोध गर्दै हिडेको भन्दै आक्रोस पोखे ।
पार्टी विवादपछि ओली र प्रचण्ड नेपाल समुहमा विभक्त नेकपाको आजको प्रदेश कमिटी बैठकमा दुई तिहईको सहभागिता रहेको नेकपा प्रदेश कार्यालय सचिव दिनेशचन्द्र सुवेदीले जानकारी दिए ।
