धनगढी,१० मंसिर/कैलालीका दुई पत्रकारले ‘बार्गेनिङ’ गर्दै अशुल गरेको रकम फिर्ता गरेका छन् । नाईस टेलिभिजनका सुदूरपश्चिम ब्युरो प्रमुख हिमेश बिक र नाईस टेलिभिजनमै आबद्ध गोविन्द विसीले ‘बार्गेनिङ’ गरेर अशुल गरेको रकम फिर्ता गरेका हुन ।

उनिहरुले कैलालीको गौरीगंगा नगरपालिका–१ स्थित श्री वास्तव मेडिकल हलका सञ्चालकबाट असुल गरेको २८ हजार रकम फिर्ता गरेका छन् । ‘धम्क्याएर बार्गेनिङ गर्दै पैसा असुल्ने कैलालीका दुई पत्रकारका घटना बाहिरिए’ शिर्षकमा सुदूरपत्रमा समाचार प्रकाशन भएपछि उनिहरुले रकम फिर्ता गरेका हुन ।

मेडिकल सञ्चालक कमलेश सक्सेनाकी श्रीमती लिला सुनारबाट अशुल गरेको २५ हजार र उनको खाजा खाएबाफतको तीन हजार फिर्ता गरेका हुन । सक्सेनाले आफुबाट बिक र बिसीले असुल गरेको रकम फिर्ता गरेको बताएका छन् ।

उनिहरुले सुरुमा दुई लाखमा ‘बार्गेनिङ’ गरेको र पछि एक लाख रुपैयाँ दिनुपर्ने भन्दै मेडिकल सञ्चालकलाई धम्की दिदै आएका थिए । मेडिकल सञ्चालक सक्सेनाबाट थप ७५ हजार असुल्न धम्की दिएको टेलिफोन संवाद बाहिरिएको थियो ।

यस्तै बिक र बिसीले अन्य ठगी र ‘बार्गेनिङ’ गरेका घट्नाहरु बहिरीएका छन् । उनीहरुले समाचार प्रकाशन गरिदिने भन्दै धम्काउने, पैसा नभएको चेक दिने, उधारो खाएर भाग्ने, विभिन्न बाहना बनाएर ठगी गर्ने जस्ता घटनाहरु बाहिरिएका हुन् ।

केही समय आर्थिक दैनिकमा कार्यरत पत्रकार बिक यस्तै ‘बार्गेनिङ’ का घट्नाहरु बहिरिएपछि निष्कासनमा परेका थिए । यतिबेला भने आर्थिक ‘बार्गेनिङ’ र ठगी गरेका घटनाहरु एकपछि अर्को गर्दै बाहिरिएपछि समग्र पत्रकारिता जगतनै बद्नामित भएको भन्दै सञ्चारकर्मीहरुले पत्रकार बिकलाई कारबाहीको माग गर्दै सामाजिक सञ्जाल रंगाएका छन् ।

पत्रकारहरुले सञ्चारकर्मीकै ग्रुप च्याटमा बिकको आलोचना गर्दै त्यस्ता व्यक्तिलाई बहिस्कार गरिनुपर्ने माग राखेका छन् । पत्रकारकाले गरेका ‘बार्गेनिङ’ र ठगी गरेका घटना बाहिरिएपछि राज्यको चौथो अंग लज्जित बन्नु परेको धनगढीका पत्रकारहरुको भनाइ छ ।