धनगढी, २६ असोज/ कैलालीको गौरीगङगा नगरपालिका–८ र ५ जोड्ने अण्डैया खोलामा पक्की पुलको शिलान्यास गरिएको छ ।

सोमबार सुदूरपश्चिम प्रदेशका पुर्व सामाजिक बिकास मन्त्री दीर्घ सोडारिले एक कार्यक्रमका बिच पुलको शिलान्यास गरेका हुन । सोडारीले जनता माझ गरेका बाचा क्रमशः पूरा गर्दै गएको बताए ।

उनले भने–‘गत निर्वाचनमा तपाईहरु माझ पुल बनाउन नसके अर्को पटक भोट माग्न आउदैनौ भनेको थिए, अहिले त्यो बाचा पूरा भएको छ, गौरिगङ्गा सबै वडामा पक्की पुल बन्दैछन, ढुक्क हुनुहोस्त, पाइहरु संग गरेका सबै बाचा पूरा हुँदैछन्।’

बर्सौ देखी खोलामा पुल नहुदा अण्डैया बासिले सास्ती ब्यहोर्दै आएका थिए । सोही क्षेत्रका सान्सद समेत रहेका सोडारीको पहलमा प्रदेशको भौतिक पुर्बाधार बिकास मन्त्रालय अन्तर्गतको पुर्बाधार बिकास कार्यलय बाट पुल निर्माण हुँदै छ ।

झण्डै ९ करोड ६९ लाखमा निर्माण हुन लागेको पुल २ बर्ष भित्र काम सकिने छ । पुर्बाधार बिकाश कार्यलय कैलालीका प्रमुख श्याम खड्काको अध्यक्षता भएको कार्यक्रममा गौरिगङगा नगर उपप्रमुख अञ्चला, वडा नम्बर ८ का अध्यक्ष तुलाराम सापकोटा लगाएतकाले शुभकामना मन्तब्य राखेका थिए । वडा नम्बर ५ का अध्यक्ष जङ्ग बिकले स्वागत गरेका थिए ।