कैलाली, २६ असोज/ एक महिनामै जिल्ला प्रहरी कार्यालय कैलालीको हिरासतभित्रै दुई जनाको मृत्यु भएको घट्नाले विवादीत बनेको कैलाली प्रहरीले अझै आफ्नो आचरण सुधार्न सकेको छैन् ।

गत साउन २८ गते कैलाली प्रहरीको हिरासतमै रहेका धनगढी उप–महानगरपालिका–१४ फूलबारी (सी) गाउँका अमरबहादुर चन्दको मृत्यु भएको थियो । इलाका प्रहरी कार्यालय फूलबारीको हिरासतमा रहेका चन्द प्रहरी कार्यालयको शौचालयमा घाइते अवस्थामा भेटिएका थिए । उनको उपचारका लागि सेती अस्पताल पुगाएपछि मृत्यु भएको थियो ।

यस्तै भदौ २२ गते मोबाइल चोरीको आरोपमा पक्राउ परेका धनगढी–५ का १९ वर्षीय रोशन विकको भदौ २६ गते (बिहीबार) जिल्ला प्रहरी कार्यालय कैलालीको हिरासतमा मृत्यु भएको थियो । उनी हिरासतको थुनुवा कक्षको शौचालयमा झुन्डिएको अवस्थामा फेला परेका थिए । उक्त घट्ना अनुसन्धानको क्रममा छन् र पिडित परिवारले न्यायकोलागी आन्दोलन गरिरहेका छन् ।

प्रहरीको सुरक्षा निगरानी रहेका व्यक्तिको मृत्यु हुनुले विवादीत बनेको कैलाली प्रहरी पुनः विवादमा तानिएको छ । दुवै घट्ना सेलाउन नपाउदै, कैलाली प्रहरीको अर्को कर्तुत बाहीरीएको छ ।

प्रहरी हिरासतभित्रै मरणासन्न र अंगभंग हुनेगरी कुट्पिट गरेको भन्दै दुई प्रहरी विरुद्ध जिल्ला प्रशासन कार्यालय कैलालीमा उजुरी परेको छ । धनगढी उपमहानगरपालिका–१९ का सुरेन्द्र बोहरालाई मरणासन्न हुने गरी कुटपिट गरेको भन्दै पिडित परिवारले प्रहरी विरुद्ध प्रशासनमा उजुरी दिएका हुन ।
सिमा प्रहरी चौकी बहुलियाका प्रहरी प्रमुख गोपाल कार्की र प्रहरी हल्वदार डम्मर अधिकारीले स्थानिय रुद्रप्रसाद रानाभाट र सिता ओझाको संलग्नतामा बोहरालाई मरणासन्न हुने गरी कुटपिट गरिएको पिडित परीवारको ओरोप छ ।

‘मेरो छोरा भरखरै भारतबाट मजदुरी गरेर घर फर्किएको थियो पिडित बोहराकी आमा जमुनादेवी बोहराले भनीन् । बुहारी एक बर्षदेखी नातनी लिएर माईतमै बस्थीन्, भारतबाट फर्किएको छोरो नातनी भेटन् जादाँ माईती पक्षले प्रहरी लगाएर मरणासन्न हुने गरी कुटपिट गरे ।’

उनले आशु झार्दै भनिन् ‘उल्टै गल्तीनै नगरेको छोरालाई रातभर चौकीमा राखेर कुटेछन्, त्यसपछि हत्कडी लगाएर जिप्रका ल्याए यहाँपनि अंगभंग हुनेगरी कुटपिट गरेपछि अहिले छोरा हिरासतबाट बाहीर आउनै नसक्ने अवस्थामा छ ।’

घरको पारिवारीक स्थिती कमजोर भएकै कारण छोराले स्कुल छोडेर भारतमा मजुरी गर्न गएपछि बुहारी माईत बस्न थालेको र अहिले छोराले आफनी छोरी भेट्न् जादाँ स्थानिय र प्रहरी मिलेर मरणासन्न हुनेगरी कुटपीट गरेको उनको आरोप छ ।

प्रहरी विरुद्ध उजुरी

सिमा प्रहरी चौकी बहुलियाका प्रहरी प्रमुख गोपाल कार्की, प्रहरी हल्वदार डम्मर अधिकारी, स्थानिय रुद्रप्रसाद रानाभाट र सिता ओझा विरुद्ध पिडित परिवारले सोमबार जिल्ला प्रशासन कार्यालय कैलालीमा उजुरी दिएका छन् ।

कुटपिट गरीएका सुरेन्द्र बोहरा अहिलेपनि प्रहरी हिरासतै छन् । उनलाई प्रहरीले झुटो मुद्धा लगाएर फसाउन खोजेको पिडित परीवारको आरोप छ ।
यस बिषयमा बुझन् कैलाली प्रहरी प्रवक्ता डिएसपी प्रतिक बिष्ट सम्पर्कमै आउन् चाहेनन् ।

सोमबार बिहानैदेखी उनको फोननै उठेन् । डिएसपी बिष्टलाई कार्यालयमै भेट्न जादाँ सुरक्षाकर्मीले एक घण्टा गेटमा कुर्न लगाए । त्यसपछी पनि न डिएसपी फोन सम्पर्कमा आए न भेट्न भित्र प्रवेश गर्ने अनुमती दिईयो ।

चौकीका सबै प्रहरी जिल्ला तानिए

उक्त घट्नापछि धनगढी उप–महानगरपालिका १४ बहुलिया सीमा प्रहरी चौकी फूलवारीमा कार्यरत सबै प्रहरीलाई जिल्ला प्रहरी कार्यालय कैलाली तानिएको छ । शनिबार प्रहरी चौकी कार्यरत १० जना प्रहरीलाई जिल्ला तानिएको हो ।

सिमा प्रहरी चौकी बहुलियाका प्रहरी प्रमुख सई गोपाल कार्कीको कमान्डमा रहेको दश जनाको प्रहरीलाई जिल्ला तानिएको जिल्ला प्रहरी कार्यालय कैलालीले जनाएको छ ।

चौकीका सबै प्रहरी जिल्ला तानिनुको कारण भने खुलाइएको छैन । उनीहरु पुराना भइसकेका र कार्य सन्तोषजनक नदेखिएकाले जिल्ला तानिएको प्रहरी प्रवक्ता डिएसपी प्रतीक बिष्ट आईतबार बताएका थिए ।