धनगढी, २७ भदौ/ जाजरकोटको जुनिचाँदे गाउँपालिका अध्यक्ष कृष्णबहादुर केसी ८ लाख घूस लिने क्रममा बिहीबार दिउँसो वीरेन्द्रनगरबाट अख्तियारको नियन्त्रणमा परेका छन् । दिउँसो २ बजे उनीसहित अर्का एक व्यक्त चन्द्रबहादुर बस्नेत कटकुवा हेल्थपोस्ट नजिकैबाट पक्राउ परेका हुन् ।
सडक निर्माण उपभोक्ता समितिको बिल पास गरिदिने नाममा घूस मागेको जानकारी आएपछि अख्तियारको उपभोक्ता समितिका पदाधिकारीको सहयोगमा पक्राउ गरिएको अख्तियार दुरुपयोग अनुसन्धान आयोग सुर्खेतका प्रवक्ता मघेराज सापकोटाले जानकारी दिए ।
केसी तत्कालिन माओवादी केन्द्रवाट स्थानीय तहको निर्वाचनमा निर्वाचित भएका थिए ।
