धनगढी, ६ भदौ/ शनिबार त्रिनगर सिमा नाकामा एक सशस्त्र प्रहरीका जवान आफ्नो डिउट्ी गरिहेका थिए । उनि भारतबाट आएका नेपालीहरुलाई गन्तव्यतिर पठाउन व्यवस्थापन व्यस्त देखीन्थे । हामीले ति सशस्त्र प्रहरी जवान नजिकै गएर ‘सर तपाईले अहिलेसम्म पिसिआर परिक्षण गराउनु भएको छ की छैन् ?’ भनेर प्रश्न गर्दा सुरुमा त उनले अस्ती भरखरमात्रै गरेको भन्ने जवाफ फर्काए ! हामीले उनलाई प्रश्न साध्दै गएपछि उनले एकचोटी आरडीटी परिक्षण मात्रै भएको सुनाए ।
भन्सार गेट नजिकै भारत आउने र जानेहरुको तथ्याङक संकलन गरिहेका एक प्रहरी अधिकृतलाई पनि हामीले त्यही प्रश्न गर्यौ । उनले नाम उल्लेख नगर्ने शर्तमा भने–‘हामीलाई मिडियामा बोल्ने अधिकार त हुदैन्, तैपनि ठुलो जोखीममा काम गरिहेका छौ हामीहरुको पनि परिक्षण हुनुपर्ने हो तर अहिलेसम्म केही भएको छैन् ।’ उनले गुनासो पोख्दै भने–‘पहुचँ भएकाहरु पिसिआर चेक गराउछन् होला ? हामीले त अहिलेसम्म एकचोटी पनि पिसिआर चेक गर्न पाएका छैनौ ।’
कोरोना भाइरस (कोभिड–१९) को महामारी विश्वव्यापी रुपमा फैलिन थालेपछि भारत सरकारले लकडाउन गर्यो । लकडाउनका कारण भारतबाट नेपालीहरु धमाधम नेपाल फर्किन थाले ।
भारतले लकडाउन गरेको केही दिनपछि नेपाल सरकारले चैत ११ गतेबाट लकडाउन जारी गर्यो र सिमा नाकाहरुमा पुर्ण रुपमा आवतजावत बन्द गरेको थियो । लकडाउन अवधिमै भारतबाट फर्किनेहरुको लर्को लाग्न थाल्यो उनिहरुको व्यवस्थापनको लागी सरकारले सिमा क्षेत्रमा सशस्त्र प्रहरी र नेपाल प्रहरीलाई खटाएको थियो ।
नाकामा खटिएको छ महिनासम्म पनि सुरक्षाकर्मीहरुले एकचोटी पनि पिसिआर परिक्षण गर्न पाएका छैनन् ।
हालसम्म कोरोना संक्रमण देखीएका मध्ये ९५ प्रतिशत भारतबाट आएका नागरिकहरु रहेका छन् । सरकारले सिमा सुरक्षामा खटिएका सुरक्षाकर्मीको सुरक्षाप्रति वेवास्ता गरिरहेको छ ।
पछिल्लो समय सरकारले सुदूरपश्चिमका दुई नाका कैलालीको गौरिफण्डा र कञ्चनपुरको गड्डाचौकीबाट बाट मात्रै नेपालीहरु भित्रिन पाउने भनेको छ । कैलालीको गौरिफण्डा नाकाबाट अधिकाशं नागरिकहरु आउने गरेका छन् । सुदूरपश्चिमका नौं ओटै जिल्ला, प्रदेश ५ र कर्णाली प्रदेशका नागरिकहरु यही नाका हुदै आईरहेका छन् ।
यसरी सिमाक्षेत्रको ‘फ्रन्टलाईन’मा रहेर काम गर्ने सिमाका सुरक्षकर्मीहरुले ६ महिनामा एकचोटी समेत पिसिआर परिक्षण गराउन नपाउनु दुखद बिषय बनेको छ ।
सिमा सुरक्षा बल त्रिनगर भन्सारका सशस्त्र प्रहरीका डिएसपी भोला प्रसाद कुसुवाले आफुहरु ठुलो जोखीम मोलेर काम गरिरहेको सुनाए । उनले भने–‘एउटा मास्कको भरमा काम गरिहेका छौ, फ्रन्टलाईनमा खटिने सशस्त्र प्रहरीलाई ठुलो जोखीम छ ।’ उनले अहिलेसम्म कुनै प्रहरीमा पनि त्यस्तो किसिमको लक्षण नदेखीएको बताए । कुसुवाले भने–‘एकचोटी तीन÷चार महिना अघि आरडिटी परिक्षण भएको थियो सबैको नेगेटिभ आयो, त्यसपछि अहिलेसम्म कुनै परिक्षण भएको छैन्, भगवानको कृपाले अहिलेसम्म कसैलाई केही भएको छैन ।’
त्रिनगर भन्सारमा मात्रै झण्डै ९५ जना सशस्त्र प्रहरी सिमा सुरक्षामा खटिदै आएका छन् । उनिहरु मध्ये कसैले पनि पिसिआर परिक्षण गर्न पाएका छैनन् । अहिले सुदूरपश्चिममा चार ओटा पिसिआर मेसिन सञ्चालनमा छन् । दैनिक दुई हजार हराहारी संख्यामा पिसिआर परिक्षण भईरहेको छ ।
यता सशस्त्र प्रहरी कैलालीका प्रमुख एसपी दिपेन्द्र कुवँरले आफु नयाँ भएकोले परिक्षण भए नभएको बारे खासै जानकारी नभएको प्रतिक्रिया दिए । उनले पिसिआर परिक्षणको लागी आफुहरुलाई कुनै लक्षण नदेखीएकोले कुनै पहल नचालेको बताए ।